تەندروستی گەرمیان: ساڵی رابردو نزیکەی 500 پشکنینی بێبەرامبەر بۆ هاوڵاتیان کراوە

- 1/20/2020 11:24:00 AM 582 جار خوێندراوەتەوە

خەندان-
بەڕێوەبەرایەتی گشتی تەندروستی گەرمیان رایگەیاند، ساڵی 2019 خزمەتگوزارییە تەندروستییەکان لە سنوری ئیدارە گەرمیان زیادیانکردوە و رێژەی مانەوە (داخڵکردنی) نەخۆش لە نەخۆشخانەکاندا کەمیکردوە، دەشڵیت "لەو ماوەیەدا زیاتر لە 439 هەزار پشکنینی بێبەرامبەر بۆ هاوڵاتیان ئەنجامدراوە".

 

222 هەزار کەس سەردانی مەڵبەندەکانی تەندروستیان لە گەرمیان کردوە


سیروان محەمەد جەمال، بەڕێوەبەری گشتی تەندروستی گەرمیان لە كۆنگرەیەكی ڕۆژنامەوانیدا ئاماری چالاکییە تەندروستییەکانی سنورەکەی بڵاوکردەوە و  ئەوەی خستەڕو،  ساڵی رابردو 222 هەزار کەس سەردانی مەڵبەندەکانی تەندروستیان لە گەرمیان کردوە کە بە بەراورد بە ساڵی پێشوتر کەمیکردوە، ئەوەشی وەکو "ئاماژەیەکی دڵخۆشکەر" بۆ تەندروستی سنورەکە ناوبرد.

ئاماژەی بەوەشکردوە، "ساڵی 2019 لەسەرجەم نەخۆشخانەکانی سنورەکەدا نۆ هەزار نەشتەرگەری بۆ هاوڵاتیان کراوە و بە بەهای نیو ملیار دیناریش ئامێر و کەلوپەلی تەندروستی بۆ بنکەکانی تەندروستی سنورەکە دابینکراوە".

رونیشیکردوەتەوە، "هەر لە ماوەیەدا 106 هەزار منداڵ لە چوارچێوەی هەڵمەتی کوتاندا خزمەتگوزاری تەندروستیان پێگەیەنراوە، هەروەها لیژنەکانی تەندروستیش زیاتر لە 53 تەن خۆراک و مادەی بەسەرچویان لەناوبردوە".


نیشانەکردن :

#هه‌رێمی‌ كوردستان

Copyright © 2016 Xendan.org all rights reserved

designed and developed by AVESTA GROUP