80 چەکداری حوسییەکان بەدەستی سوپای یەمەن کوژران

- 1/20/2020 10:48:00 AM 4335 جار خوێندراوەتەوە

خەندان- 

لەپێکدانی نێوان گروپی چەکداری حوسییەکان و هێزەکانی سوپای یەمەن لە باکوری رۆژهەڵاتی سەنعا 80 چەکداری حوسییەکان کوژران و 100 کەسی دیکەشیان بە دیل گیران.

ئەمڕۆ دوشەممە پێکدادانێکی سەخت لەنێوان گروپی چەکداری حوسییەکان و هێزەکانی سوپای یەمەن، لە باکوری رۆژهەڵاتی سەنعا رویدا، سوپای یەمەن توانیان کۆنتڕۆڵی شاخی سپی و گردی کەحل بکەن.
هێزەکانمان لەشەڕ بەردەوام دەبن تا گردی سافح کۆنتڕۆڵ دەکەن، تا ئێستاش 80 چەکداری حوسییەکان کوژراون

 

سەرچاوەیەکی سەربازی لە سوپای یەمەن رایگەیاند، هێزەکانیان لەشەڕ بەردەوام دەبن تا گردی سافح کۆنتڕۆڵ دەکەن، تا ئێستاش 80 چەکداری حوسییەکانیان و کوشتوە و 100ی دیکەشیان بە دیل گرتوە.
شەوی شەممەی رابردو حوسییەکان بە موشەکی بالیستیکی و فڕۆکەی بێفڕۆکەوان هێرشیانکردە سەر سەربازگەیەکی شاری مارب

 

ئەوە لەکاتێکدایە شەوی شەممەی رابردو حوسییەکان بە موشەکی بالیستیکی و فڕۆکەی بێفڕۆکەوان هێرشیانکردە سەر سەربازگەیەکی شاری مارب، بەهۆیەوە 73 سەرباز کوژراون و دەیانی دیکەش برینداربون.

هاوکات لەپەیامێکیدا عەبد رەبو مەنسور ئەلهادی، سەرۆکی یەمەن رایگەیاندوە، "بەم هێرشەیان حوسییەکانی سەر بە ئێران سەلماندیان، کە بەهیچ جۆرێک ئاشتییان ناوێت"، داواشی لە سوپای وڵاتەکەی کرد لەحاڵەتی ئامادەباشی تەواودابێت بۆ ئەگەری هەر روبەروبونەوەیەک.


Copyright © 2016 Xendan.org all rights reserved

designed and developed by AVESTA GROUP