هەواڵی ئەمڕۆ

بەپەلە

لەساڵی 2019دا 33 حاڵەتی كوشتنی ژنان لە رۆژهەڵاتی كوردستان تۆماركراوە

- 1/19/2020 10:34:00 PM 1395 جار خوێندراوەتەوە

خەندان-

رێكخراوی هەنگاوی بۆ مافەكانی مرۆڤ رایگەیاند،"لەساڵی 2019دا 30 حاڵەتی كوشتنی ژنان لە رۆژهەڵاتی كوردستان تۆماركراوە كە پێنج حاڵەتی لەژێر ناوی پاراستنی ناموس بوە".
لانی كەم 33 ژن لەساڵی 2019 كوژراون كە پێنج لەوانە لەژێر ناوی پاراستنی ناموس بوە

 

رێكخراوی هەنگاو بۆ مافی مرۆڤ رایگەیاندوە،"لە هەریەك لە پارێزگاكانی ئیلام، لوڕستان، کرماشان، سنە و ئورمیە، لانی كەم 33 ژن لەساڵی 2019 كوژراون كە پێنج لەوانە لەژێر ناوی پاراستنی ناموس بوە".

ئاماژەی بەوەشكردوە،" 94٪ی ئەو حالەتانە بە دەستی کەسانی نزیکی کوژراوەکان وەك(باوک، هاوژین،کوڕ و برا)، 18 حاڵەتیش بەهۆی كێشەی خێزانی بوە و 2 حاڵەت بەهۆی دزینی پارەو زێڕو 8 حاڵەتی بەهۆكاری نادیار كوژراون."

هەر بەگوێرەی ئامارەكە زۆرینەی كوژراوەكان لە پارێزگای سنە بوە كە 14 حاڵەت بوە و دوای ئەو كرماشان دێت كە 8 حاڵەت بوە و لە ئورمیەش 5 حاڵەت و لە ئیلام 4 حاڵەت و حاڵەتێكیش لە لوڕستان تۆماركراوە.



Copyright © 2016 Xendan.org all rights reserved

designed and developed by AVESTA GROUP