بەپەلە

ئەنجومەنی مامۆستایانی دانەمەزراو مۆڵەتی 72 کاتژمێر دەداتە پەروەردەی کەرکوک

- 1/18/2020 9:51:00 PM 1624 جار خوێندراوەتەوە

خەندان-
ئەنجومەنی مامۆستایانی دانەمەزراو لە شاری کەرکوک مۆڵەتی 72 کاتژمێر بۆ پێداچونەوە بە لیستی دامەزراوانی پارێزگاکە دەداتە بەرپرسانی پەروەردەی کەرکوک، دەشڵێت "لە پرۆسەی دامەزراندندا پێکهاتەی کورد فەرامۆشکراوە".

 

دوای ئەو ماوەیە هەڵوێستەکەمان توندتر دەبێت



ئەنجومەنی مامۆستایانی دانەمەزراو لە شاری کەرکوک لە راگەیەنراوێکدا رونیدەکەنەوە، دوای ئەوەی بە ئامانجی دەرفەتدان بە بەرپرسانی پەروەردەی کەرکوک بڕیاریانداوە ئەو خۆپیشاندانەی بڕیار بو ئەنجامی بدەن بۆ ماوەی 72 کاتژمێر دوایانخستوە، بە پێچەوانەوە دوای ئەو ماوەیە "هەڵوێستەکەمان توندتر دەبێت".

 

بە گوێرەی پێشنیازێک هەر سێ پێکهاتەی کورد، عەرەب و تورکمان لە پرۆسەی دامەزراندندا بە رێژەی 32% پشکیان دەبێت



ئاماژەی بەوەشکردوە، بە گوێرەی پێشنیازێک هەر سێ پێکهاتەی کورد، عەرەب و تورکمان لە پرۆسەی دامەزراندندا بە رێژەی 32% پشکیان دەبێت، "ئێمەش چاوەڕیی بڕیاری پەروەردەی کەرکوکین لەو بارەیەوە".

ئەوە لە کاتێکدایە لە چەند رۆژی رابردودا پەروەردەی کەرکوک لیستی ناوی دامەزرێنراوانی بڵاوکردوەتەوە و پێکهاتەی عەرەبی لە شارەکەدا نزیکەی 62%ی دامەزراوەکان پێکدەهێنن، هاوکات کورد 20% و پێکهاتەی تورکمانیش 17%ی دامەزراوەکان پێکدەهێنن.



Copyright © 2016 Xendan.org all rights reserved

designed and developed by AVESTA GROUP