سوپای پاسداران: کەوتنەخوارەوەی فڕۆکە ئۆکرانییەکە هەڵەیەک بو ئەمریکا پێیکردین

- 1/15/2020 12:11:00 AM 9107 جار خوێندراوەتەوە

خەندان-
فەرماندەی هێزە ئاسمانییەکانی سەر بە سوپای پاسدارانی ئێران رایگەیاند، کەوتنە خوارەوەی فڕۆکە ئۆکرانییەکە "هەڵەیەک بو ئەمریکا بەسەر ئێمەیدا سەپاند".

 

واشنتن لە ناوەوە دوژمنێکی بێ ناوەڕۆکە 

 

عەلی حاجی زادە فەرماندەی هێزە ئاسمانییەکانی سەر بە سوپای پاسداران لە راگەیەنراوێکدا ئاماژەی بەوەشکردوە، دوای بۆردومانکردنی بنکەی عین الاسد لەلایەن هێزەکانی وڵاتەکەیەوە، تاران پێشبینی وەڵامدانەوەی ئەمریکا کردبو بەڵام "ئەوان دوژمنێکی بێ ناوەڕۆکن لە ناوەوە".

 

ئەمریکا نەیتوانیوە وەڵامی هێرشەکانمان بداتەوە، ئەوەش نیشانەی ئەوەیە ئێران بوەتە هێزێکی گەورە


ئاماژەی بەوەشکردوە، "دوای هێرشەکانی سوپای وڵاتەکەی ئەمریکا هەوڵیداوە بەڵام نەیتوانیوە وەڵامبداتەوە ئەوەش نیشانەی ئەوەیە ئێران بوەتە هێزێکی گەورە".

 

هەڵمەتەکان دژی ئەمریکا بەشێوەیەکی لێبڕاوانە بەردەوام دەبێت


فەرماندەی هێزە ئاسمانییەکانی سەر بە سوپای پاسدارانی ئێران رونیکردوەتەوە، "هەڵمەتەکان دژی ئەمریکا بەشێوەیەکی لێبڕاوانە بەردەوام دەبێت، بەتایبەت لە وڵاتانی میحوەری بەرەنگاربونەوە".


نیشانەکردن :

#ئێران #ئێران_ئەمریكا

Copyright © 2016 Xendan.org all rights reserved

designed and developed by AVESTA GROUP