وێنە.. حاخامێكی ئیسرائیلی 50 ژن وەك "كۆیلە" بەنددەكات

- 1/14/2020 6:13:00 PM 31208 جار خوێندراوەتەوە

خەندان-

لە یەكێك لە یەكەكانی نیشتەجێبوندا، كە دەكەوێتە رۆژئاوای قودس، حاخامێكی ئیسرائیلی دەیان ژن-ی زیندانیكردوە و وەك كۆیلە مامەڵەی لەگەڵدا كردون، بێجگە لە دەستدرێژی سێكسی و توندوتیژی جەستەیی.

پۆلیسی ئیسرائیل لە پێگەی یێدیۆت ئەحرۆنۆت-ی فەرمی وڵاتەكەیەوە هاوپێچ لەگەڵ گرتەی ڤیدیۆیی دەستگیركردنی حاخامەكەدا بڵاویكردەوە "پاش لێكۆڵینەوەیەكی نهێنی، هێزەكانی پۆلیس چونەتە نێو یەكەیەكی نیشتەجێبون لە ناوەڕاستی قودس-دا كە تێید دەیان ژن و ژمارەیەك منداڵ زیندانیكراون و وەك كۆیلە بەكارهێنراون".
هەندێك لەو ژنانەش بۆ ماوەی 20ساڵ دەبێت لەو دۆخەدان

لەو بڵاوكراوەیەدا ئاماژە بەوەكراوە "نزیكەی 50 ژن  و ژمارەیەك منداڵ كە تەمەنیان لە پێنج ساڵ كەمتر بوە لەو یەكەیەدا زیندانیكراون و بە تەواوی وەك كۆیلە مامەڵەیان لەگەڵداكراوە، هەندێك لەو ژنانەش بۆ ماوەی 20ساڵ دەبێت لەو دۆخەدان".
سەرۆكی ئەو باندەی كارەكەیان ئەنجامداوە حاخامێكە كە تەمەنی 60 ساڵە

بەپێی وتەكانی پۆلیس، سەرۆكی ئەو باندەی كارەكەیان ئەنجامداوە حاخامێكە كە تەمەنی 60 ساڵە، هەشت ژنی دیكەش دەستگیركراون كە گومانی ئەوەیان لێدەكرێت لەگەڵ حاخامەكەدا دەستیان لە ئەشكەنجەدانی قوربانییەكاندا هەبوبێت.
هەندێكیان ناچاركراون دەستیان بخەنە نێو ئاگرەوە

لێكۆڵینەوە بەراییەكان باس لەوەدەكەن "ئەو ژنانە روبەڕوی دەستدرێژی سێكسی بونەتەوە و لەگەڵ ئەوەشدا هەندێكیان ناچاركراون دەستیان بخەنە نێو ئاگرەوە (تا لەوەتێبگەن لە ئاگری دۆزەخدا هەستیان چۆن دەبێت)".

پێگە ئەلیكترۆنییەكەی ئیسرائیل راشیگەیاندوە "پێش چەند ساڵێك لێكۆلینەوە لە دۆخی ئەو یەكەیە كراوەتەوە كە تێیدا ژمارەیەك كەسی ئایینی جو لەژێر ناوی رێكخراوێكی ژنانەوە ژنان و منداڵانیان لەخۆگرتوە، پاش ئەوەی چەند ژنێكیش لەو شوێنە هەڵهاتون و سەبارەت بە دۆخی نێو ئەو شوێنە زانیاریان دركاندوە، سەرلەنوێ لێكۆڵینەوەكان دەستیانپێكردوە".


نیشانەکردن :

#جۆراوجۆر

Copyright © 2016 Xendan.org all rights reserved

designed and developed by AVESTA GROUP