کۆنفرانسێکی نێودەوڵەتی چارەنوسی تەلەفیزیۆن لە ساڵی 2020دا روندەکاتەوە

- 1/8/2020 5:37:00 PM 2320 جار خوێندراوەتەوە

خەندان-

تەلەفیزیۆنەکان کە ماوەی سەدەیەکە وەکو سەرەکیترین هۆکاری راگەیاندن رۆڵ دەبینن، لەو چەند ساڵەی دوایدا ئینتەرنێت بەشێوەیەکی فراوان ئەرک و بەرهەمەکانی تەلەفیزیۆن بە خێرایەکی زۆرتر و هەمەجۆرتر دەگەیەنێتە بەکارهێنەرانی، شارەزایانی راگەیاندنیش لە ئەمریکا بۆچونی خۆیان لەسەر داهاتوی تەلەفیزیۆن دەخەنەڕو.

 

کۆمپانیاکانیش دەیانەوێت لە رێگەی پەخشی راستەوخۆی کەناڵەکان لەسەر یوتیوب ئارەزومەندانی تەلەفیزیۆن لە دەوری خۆیان کۆبکەنەوە



رۆژانی سێشەممە تاوەکو هەینی ئەم هەفتەیە  کۆنفرانسی CES بۆ تەکنەلۆژیا لە ویلایەتی لاس فیگاسی ئەمریکا بەڕێوەدەچێت، کە تێیدا هەزار و 400 کۆمپانیا و خاوەنی کەناڵ بەشدارن و  دەخوازێن لەبارەی داهاتوی تەلەفیزیۆنەوە وەڵامی هەندێ پرسیاریان دەستبکەوێت، بەشێکی دیاری کۆمپانیاکانیش دەیانەوێت لە رێگەی پەخشی راستەوخۆی کەناڵەکان لەسەر یوتیوب ئارەزومەندانی تەلەفیزیۆن لە دەوری خۆیان کۆبکەنەوە.

 

ساڵی 2015ش کۆنفرانسی CES پێشنیازی کرد وەکو رێگایەک بۆ بەردەوامیدان بە مانەوەی تەلەفیزیۆن، ژمارەیەک لە کەناڵەکان پەخشی خۆیان بۆ سەر ئینتەرنیت بگوازنەوە



ساڵی 2015ش کۆنفرانسی CES پێشنیازی کرد وەکو رێگایەک بۆ بەردەوامیدان بە مانەوەی تەلەفیزیۆن، ژمارەیەک لە کەناڵەکان پەخشی خۆیان بۆ سەر ئینتەرنیت بگوازنەوە و دواتریش کۆمپانیای Dish  بەرنامەکەی خستەبواری جێبەجێکردنەوە، لەو کاتەشەوە بەشێکی فراوانی کەناڵەکانی راگەیاندن لە رێگەی ئینتەرنێتەوە زۆرینەی بەرنامە و چالاکییەکانیان راستەوخۆ بڵاودەکەنەوە، ئەوەش ئاستی بینەری تەلەفیزیۆنی (لە رێگەی سەتەلایتەوە) بەرامبەر بەکارهێنەرانی ئینتەرنێت تەواو لاوازکردوە.

 

پلانی "ب"ی کەناڵەکانی راگەیەندنیش بۆ بەردەوامیدان بە بەرنامەکانیان ئەوەیە پەخشەکەیان بە هاوبەشەکانیان بفرۆشن



پلانی "ب"ی کەناڵەکانی راگەیەندنیش بۆ بەردەوامیدان بە بەرنامەکانیان ئەوەیە پەخشەکەیان بە هاوبەشەکانیان بفرۆشن و ئەوەش لە رێگەی دامەزراوەی  Netflix  ەوە دەبێت کە خزمەتگوزارییەکانی راستەوخۆ دەگەیەنێتە بەکارهێنەر لە رێگەی ئینتەرنێتەوە، هەنگاوێک کە  ئەپڵ لە مانگی تشرینی دوەمەوە دەستی پێکردوە.

ئەو هەنگاوەی رێکخەرانی کۆنفرانسی CES  پێشنیازیان کردوەو خاوەنی کەناڵەکانیش بڕیارە تاوتوێی بکەن، لە رێگەی چەندین داتاوە دەتوانرێت ژمارەی بینەران و چەندین تایبەتەمەندی دیکە بخاتە بەردەم دامەزراوەکان، کە هاوکاریان دەکات لە پەخشکردنی ریکلامە بازرگانییەکان لەو کاتانەدا کە بینەرێکی فراوان سەیریان دەکەن.

هاوکات بڕیارە بژاردەی لادانی ریکلامیش بەرامبەر پێدانی بڕیکی زیاتر لە پارەی هاوبەشیکردن بدرێتە بینەرانی تەلەفیزیۆن لە رێگەی ئینتەرنێتەوە.



Copyright © 2016 Xendan.org all rights reserved

designed and developed by AVESTA GROUP