هاوسەری نانسی عەجرەم "دزێک لە ڤێلاکەیدا" دەکوژێت

- 1/5/2020 3:07:00 PM 18699 جار خوێندراوەتەوە

خەندان-

ئاژانسی راگەیاندنی نیشتیمانی لوبنان بڵاویکردەوە، شەوی رابردو ڤێلای نانسی عەجرەم هونەرمەندی دیاری لوبنانی روبەروی دزیکردن بوەتەوە،  لەوکاتەشدا فادی هاشم هاوسەری نانسی عەجرەم لە ڤێلاکەدابوە و تەقەی لەو کەسە کردوە کە چوەتە سەر ماڵەکەی لە ئەنجامیشدا چەکدارەکە گیانی لەدەستداوە.

چەکدارەکە ناوی محەمەد حەسەنە و تەمەنی 30 ساڵەو بەرەگەز سورییە


راگەیاندنی نیشتیمانی لوبنان ئاماژەی بەوەشکردوە، "چەکدارەکە ناوی محەمەد حەسەنە و تەمەنی 30 ساڵەو بەرەگەز سورییە، بەرەبەیانی ئەمڕۆ چوەتە سەر ڤێلاکەیەی هونەرمەند نانسی عەجرەم لە ناوچەی نیو سەهایلە لە لوبنان، بەڵام توشی سەرسوڕمان بوە کە بینیویەتی دکتۆر فادی هاشم خێزانی نانسی لە ماڵەوە بوە و دەمانچەی بە ڕوی چەکدارەکەدا بەرزکردوەتەو، لە ئەنجامی تەقەی نێوان هەردولاش، چەکدارەکە دەستەبەجێ گیانی لەدەستداوە".




چەکدارەکە شەوی رابردو سێ خاڵی پشکنین و پاسەوانی ماڵەکەی نانسی عەجرەمی بڕیوە کە دەمانچەیان پێ بوە

 

 

هاوکات سەرچاوەیەکی نزیک لە لێکۆڵینەوەکە بە رۆژنامەی نەهاری لوبنانی راگەیاندوە، "چەکدارەکە شەوی رابردو سێ خاڵی پشکنین و پاسەوانی ماڵەکەی نانسی عەجرەمی بڕیوە کە دەمانچەیان پێ بوە، چەکدارەکە ماوەیەک لەو ماڵەدا بوە و پێشنیازی پێدانی پارەشی لە بەرامبەر بەجێهێشتنی ڤێلاکەدا لەلایەن خێزانەکەی نانسی عەجرەمەوە رەتکردوەتەوە".




ئەو چەکدارە چوەتە ژوری منداڵەکانی نانسی عەجرەم لەناو ڤێلاکەدا و هەڕەشەی ئەوەی کردوە کە کەس نابێت بێتە سەر رێگەکەی


ئاماژەی بەوەشکردوە، "ئەو چەکدارە چوەتە ژوری منداڵەکانی نانسی عەجرەم لەناو ڤێلاکەدا و هەڕەشەی ئەوەی کردوە کە کەس نابێت بێتە سەر رێگەکەی، کاتێکیش ئەو چەکدارە تەقەی کردوە راستەوخۆ کوژراوە".



ئەو سەرچاوەیەی لێکۆڵینەوەکە رونیدەکاتەوە، "خێزانەکەی نانسی عەجرەم لە ئیستادا لە ژێر لێکۆڵینەوە دایە و ئەو لە کاتێکدا تەقەی کردوە کە بەرگری لە گیانی خۆی کردوە، چونکە دزەکە چوەتە سەر ماڵەکەی و بە دەمانچە هێرشیکردوەتە سەر خۆی و خێزانەکەی".


نیشانەکردن :

#لوبنان

Copyright © 2016 Xendan.org all rights reserved

designed and developed by AVESTA GROUP