سێیەم ناوەندی ئەستێرەناسی و زانستی بۆ منداڵان لە ئورمیە دەکرێتەوە

- 12/28/2019 6:56:00 PM 2805 جار خوێندراوەتەوە

خەندان-

بەڕێوەبەرى پەيمانگاى هەرێمايەتى بۆ  گەشەسەندنی ڕۆشنبيرى منداڵ و گەنجانی ئێران، کردنەوەی سێیەم ناوەندی ئەستێرەناسی و زانستی تایبەت بە منداڵان لەو وڵاتەدا راگەیاند.
 تایبەتە بە پیگەیاندنی منداڵان لە بواری ئەستێرەناسی و زانستی هەسارەناسی و بۆشایی ناسی

جەواد زاهیدی بەڕێوەبەری پەیمانگاکە رایگەیاند، ناوەندەکە  لە  پارکی نیشتیمانی ئورمیە دەکرێتەوە و تایبەتە بە پیگەیاندنی منداڵان لە بواری ئەستێرەناسی و زانستی هەسارەناسی و بۆشایی ناسی.
 ناوەندەکە لە باڵەخانەیەکی دو نهۆمی پێکهاتوە و 300مەتر دوجایە

زاهیدی ئاماژەشی بەوەداوە، ناوەندەکە لە باڵەخانەیەکی دو نهۆمی پێکهاتوە و 300مەتر دوجایە.
 تێچوی پرۆژەکە 360 هەزار دۆلارە و چەندین بەشی لە خۆگرتوە

بەگوێرەی وتەکانی زاهیدی، تێچوی پرۆژەکە 360 هەزار دۆلارە و چەندین بەشی لە خۆگرتوە لەوانە وەک، زانستی فیزیک، هەسارەناسی، بۆشایی ناسی و ناوەندی چاودێریکردنی تەنە ئاسمانیەکان و بۆشایی و  بەشی زانستە سروشتیەکان.

 

ئەوە سێهەم ناوەندی پەیوەنددارە لە ئێران بکرێتەوە، لە رابردودا  دو ناوەندی دیکەی ئەستێرەناسی تایبەت بە منداڵان لە پارێزگاکانی تاران و زەنجان کراونەتەوە.



Copyright © 2016 Xendan.org all rights reserved

designed and developed by AVESTA GROUP