ڤیدیۆ.. راپەرێكی ئەمریكی 50 هەزار دۆلار بە ئاسماندا هەڵدەدات

- 12/26/2019 8:54:00 PM 14840 جار خوێندراوەتەوە

خەندان-

لە گرتە ڤیدیۆیەكی تەواو جیاوازدا، راپەرێكی ویلایەتە یەكگرتوەكانی ئەمریكا لە لۆس ئانجڵس، لە سەر ئۆتۆمبێلەكەیەوە 50 هەزار دۆلار هەڵدەدات بەسەر خەڵكی هەژاری گەڕەكێكدا.

بڵوفەیس، راپەرێكی ئەمریكییە لە شاری لۆس ئەنجڵس-ویلایەتی كالیفۆرنیا، لە هەژماری تایبەتی خۆی لە تویتەر گرتە ڤیدیۆییەكی بڵاوكردوەتەوە تێێدا خۆی لەسەر ئۆتۆمبێلێك دەردەكەوێت و رێژەیەكی زۆر پارە هەڵدەدات بە ئاسماندا.
بڵوفەیس-ی تەمەن 22 ساڵ 50 هەزار دۆلار-ی ئەمریكی بەخشیوەتەوە بەسەر خەڵكی گەڕەكی سكیدڕۆو لە لۆس ئانجڵس

هاوپێچ لەگەڵ ڤیدیۆكەدا بڵوفەیس نوسویەتی "وەرزی بەخشین"، ئاژانسە هەواڵییەكانیش دەڵێن "بڵوفەیس-ی تەمەن 22 ساڵ 50 هەزار دۆلار-ی ئەمریكی بەخشیوەتەوە بەسەر خەڵكی گەڕەكی سكیدڕۆو لە لۆس ئانجڵس كە ژمارەیەكی زۆر خەڵكی هەژاری تێدا نیشتەجێیە".

ئەوەش چەند رۆژێك پاش روداوێكی لەو جۆرە دێت كە لە رێكەوتی 23ی ئەم مانگە، لە شاری كۆلۆرادۆ سپرینگز-ویلایەتی كۆلۆرادۆ-ی ویلایەتە یەكگرتوەكانی ئەمریكا، پیاوێكی بەتەمەن بە ناوی "دەیڤد واین ئۆڵیڤەر" بانكێكی لە ناوچەكەدا بڕیوە و پاش ئەوەی چوەتە دەرەوەی بانكەكە پارەكانی بەسەر ئەو خەڵكەدا بەخشیوەتەوە كە بە شەقامەكەدا هاتوچۆیان كردوە.


نیشانەکردن :

#جۆراوجۆر

Copyright © 2016 Xendan.org all rights reserved

designed and developed by AVESTA GROUP