وێنە و ڤیدیۆ.. فڕۆكەیەك لەنێوان ئۆتۆمبێلێكی بارهەڵگر و پردێكدا گیردەخوات

- 12/25/2019 9:51:00 PM 17588 جار خوێندراوەتەوە

خەندان-

پاش ئەوەی لەهیندستان لەرێگەی ئۆتۆمبێلێكی بارهەڵگرەوە هەوڵدرا فڕۆكەیەكی كۆن بگوازرێتەوە، لە روداوێكی نامۆدا فڕۆكەكە لەنێوان ئۆتۆمبێل و پردێكدا گیردەخوات.

لەنێو تۆڕە كۆمەڵایەتیەكاندا و لەلایەن هاوڵاتیانی هیندستانەوە، دیمەنێكی نامۆ بڵاوكراوەتەوە، تێیدا فڕۆكەیەكی كۆن لە جۆری بۆینگ B737 لەنێوان ئۆتۆمبێلێكی بارهەڵگر و پردێكدا لە ناوچەی جورگاپور لە هیندستان گیریخواردوە.

لەوبارەیەوە ئاژانسە هەواڵییەكانی هیندستان بڵاویانكردوەتەوە، ئەو فڕۆكەیە لە فڕۆكەخانەی كۆلكاتا بۆ ماوەیەكی زۆر ماوەتەوە  بێ ئەوەی سودی لێببینرێت، بەوهۆیەوە لایەنە  پەیوەندیدارەكان هەوڵیانداوە فڕۆكەكە بگوازنەوە بۆ مەیدانێكی تایبەت.

لەكاتێكدا ئۆتۆمبێلێكی بارهەڵگر ئەركی گواستنەوەی فڕۆكەكەی پێدەسپێردرێت، بەهۆی ئەوەی مەزەندەی بەرزیی ئۆتۆمبێلەكەی خۆی و فڕۆكەكە پێكەوە ناكات، لەكاتێكدا هەوڵی تێپەڕاندنی ژێر پردێك دەدات فڕۆكەكە لەنێوان بارهەڵگر و پردەكەدا گیردەخوات.

نیشانەکردن :

#جۆراوجۆر

Copyright © 2016 Xendan.org all rights reserved

designed and developed by AVESTA GROUP