ڤیدیۆ..كرێنێك بە دو هەزار و 271 لیتر سوتەمەنیەوە ژێرئاوەكانی گاڵاپاگۆس دەكەوێت

- 12/23/2019 9:55:00 PM 12971 جار خوێندراوەتەوە

خەندان-

لە دورگەكانی گاڵاپاگۆس، ساتەوەختی ژێرئاوكەوتنی كۆنتەینەرێك لە سوتەمەنی تۆماركراوە، كە بەهۆیەوە ئەو كرێنەی هەڵیگرتوە و كەشتیەكەی بە مەبەستی باركردنی لەنگەری گرتوە دەكەونە ناو ئاوی دەریاكەوە.

پاش ئەوەی كرێنێك هەوڵیدا كۆنتەینەرێك  بە دو هەزار و 271 لیتر سوتەمەنی دێزڵ-ەوە بەرزبكاتەوە و بیخاتە ناو كەشتیەكی دەریاییەوە، بەهۆی كێشی كۆنتەینەرەكەوە كرێنەكە هاوسەنگی لەدەستدا و كۆنتەینەرەكە كرێنەكەی لەگەڵ خۆیدا راكێشایە ناو ئاوی دەریاكە لە دورگەكانی گاڵاپاگۆس-ئێكوادۆر.

 

دواتر كۆنتەینەرەكە دەكەوێتە سەر بەشی پێشەوەی كەشتیەكە و دەبێتە هۆی لاربونەوەی كەشتیەكە بۆ ناو دەریاكە، كارمەندانی ناو كەشتیەكەش بە مەبەستی رزگاركردنی ژیانیان خۆیان هەڵدەدەنە نێو دەریاكەوە.

دورگەكانی گاڵاپاگۆس لە ئێكوادۆر، یەكێكە لەو شوێنەوارانەی لە لیستی شوێنەوارە دێرینەكانی رێكخراوی جیهانیی یونێسۆدایە، لە هەمانكاتدا یەكێكە یەكێكە لەو شوێنەوارانەی خراپترین سیستەمی ژینگەیی هەیە لەسەر زەوی.




نیشانەکردن :

#جۆراوجۆر

Copyright © 2016 Xendan.org all rights reserved

designed and developed by AVESTA GROUP