ویكیلێكس: راپۆرتەكانی تایبەت بە بەكارهێنانی چەكی كیمیایی لە دوما جێی گومانە

- 12/15/2019 10:16:00 PM 1304 جار خوێندراوەتەوە

خەندان-

ئاژانسی ویكیلێكس سەبارەت بەو راپۆرتانەی لەبارەی بەكارهێنانی چەكی كیماییەوە لە دوما-ی وسوریا خراونەتەڕو رایگەیاند "گومان لەسەر راستیی ئەو راپۆرتان هەیە".

بەگوێرەی بڵاوكراوەیەكی پێگەی ویكیلێكس، ئەو راپۆرتانەی لەلایەن رێكخراوی قەدەغەكردنی چەكی كیمیاییەوە سەبارەت بە بەكارهێنانی چەكی كمیایی لە دوما-ی سوریا خراونەتەڕو جێی گومانن چونكە كارەكانیان لەو ناوچەیەدا ئەنجامنەداوە.

بۆچونیان رەنگدانەوەی ئەو شتانە نەبوە كە بینیویانە

لەو بڵاوكراوەیەی ویكیلێكسدا ئەوەش رونكراوەتەوە "یەكێك لە ئەندامانی سوریا لە شاندی نێردراوی بۆ لێكۆڵینەوە لە رێكەوتی 14ی ئایاری 2019دا نوسراوێكی بۆ رێكخراوی قەدەغەكردنی چەكی كیمیایی ناردوە و تێیدا نیگەرانی خۆی سەبارەت بە چاودێرانی رێكخراوەكە خستوەتەڕو كە پاش ئەوەی سەردانی دوما-یان كردوە بۆچونیان رەنگدانەوەی ئەو شتانە نەبوە كە بینیویانە".

راپۆرتەكە ژمارەیەك كەسی دیكە ئامادەیان كردوە و تەنها یەك كەس لە تیمەكە لە شاری دوما بوە

ئاماژەی بەوەشكردوە "راپۆرتەكە ژمارەیەك كەسی دیكە ئامادەیان كردوە و تەنها یەك كەس لە تیمەكە لە شاری دوما بوە، ئەوانی دیكە لە وڵاتانی دیكە كاریان كردوە و ئامادە نەبون ناوی ئەو وڵاتە بدركێنن كە كاری تێدا دەكەن".

لەبری ئەوەی سەردانی دوما بكەن، چونەتە كەمپەكانی پەنابەرانی توركیا

 

بەگوێرەی وتەكانی ئەو ئەندامەی سوریا كە ویكیلێكس بڵاویكردوەتەوە "شاندەكە لەبری ئەوەی سەردانی دوما بكەن، چونەتە كەمپەكانی پەنابەرانی توركیا و لەگەڵ ئەواندا چاوپێكەوتنیان ئەنجامداوە".

پێشتریش ئەلێكساندەر شوگلین، نێردەی روسیا لە رێكخراوی قەدەغەكردنی چەكی كیمیایی جەختیكردەوە "سەرۆكی تیمی راسپێردراو بە لێكۆلینەوە لە بەكارهێنانی چەكی كیمیای لە سوریا سەردانی ئەو وڵاتەی كردوە و دواتر بە پەلە چوەتە وڵاتێكی هاوسێی سوریا بێئەوەی سەردانی دوما بكات.


نیشانەکردن :

#سوریا

Copyright © 2016 Xendan.org all rights reserved

designed and developed by AVESTA GROUP