فڕەنسا سەبارەت بە پشتێنەیەكی تێرۆریستی لەنێوان ئەفریقا-رۆژهەڵاتی ناوەڕاست هۆشداری دەدات

- 12/15/2019 9:55:00 PM 1197 جار خوێندراوەتەوە

خەندان-

وەزیری دەرەوەی فڕەنسا سەبارەت بە پشتێنەیەكی تێرۆریستی لەنێوان ئەفریقا-رۆژهەڵاتی ناوەڕاست هۆشداری دا و رایگەیاند ئەو پشتێنە تێرۆریستیە پەیوەندی بە رێكخراوی تێرۆریستی داعشەوە هەیە.

پشتێنەیەكی تیرۆریستی لە چاد و نایجیریاوە لە شێوەی نیمچە بازنەییدا بەرەو رۆژهەڵاتی ناوەڕاست درێژدەبێتەوە

جان ئیڤ لۆدریان، وەزیری دەرەوەی فڕنسا لەمیانی چاوپێكەوتنێكیدا لەگەڵ رادیۆی فرانس ئینتەر رایگەیاند "لەنێوان ناوچەی ساحل-ی ئەفریقا و رۆژهەڵاتی ناوەڕاست، پشتێنەیەكی تیرۆریستی لە چاد و نایجیریاوە لە شێوەی نیمچە بازنەییدا بەرەو رۆژهەڵاتی ناوەڕاست درێژدەبێتەوە".

لە لیبیا-ش بە هەمانشێوە گروپی تیرۆریستی هەیە

لۆدریان سەبارەت بەو پشتێنە تێرۆریستیەی باسیكرد وتی "ئەو پشتێنەیە پەیوەستن بە رێكخراوی تێرۆریستی داعشەوە و هەڕەشەكەش هەیە و لە گەشەسەندندان"< ئاماژەی بەوەشكرد "لە لیبیا-ش بە هەمانشێوە گروپی تیرۆریستی هەیە كە پشتێنەیەكیان بەرەو رۆژهەڵاتی ناوەڕاست دروستكردوە و پێویستە لەو ئاستەدا كەمتەرخەم نەبین".

لۆدریان وتیشی "بە پێویستی دەزانم كۆبونەوەیەكی پێنج قۆڵی لەنێوان سەرۆكی ئەو پێنج وڵاتەدا ئەنجامبدرێت كە دەكەونە ناوچی ساحل-ی ئەفریقا، تا سەبارەت بەو هێزانەی فرەنسا كە لەوێدا دژ بە توندڕەوەكان ماونەتەوە هەڵوێستی خۆیان دەرببڕن".

رەتیشیكردەوە هێزەكانیان لە ناوچەكانی ئەفریقا بە مەبەستی پارێزگاریكردن لە بەرژەوەندی فڕەنسا و بەرژەوەندی ئابوری و سەربازی ئەو وڵاتەبێت، بەڵكو لەپێناو روبەڕوبونەوەی تێرۆر لە ناوچەكەدان".



Copyright © 2016 Xendan.org all rights reserved

designed and developed by AVESTA GROUP