وێڕای سەركەوتنێكی گەورە، خۆپیشاندەران بۆ جۆنسن: "بڕۆ دەرەوە" "بەسەرۆكوەزیرانی خۆمانت نازانین"

- 12/14/2019 1:33:00 PM 3552 جار خوێندراوەتەوە

خەندان-

شەوی رابردو رۆژێك دوای ئاشكراكردنی ئەنجامی هەڵبژاردنەكانی بریتانیا، هەزاران خۆپیشاندەر، لە ناوەڕاستی لەندەنەوە بە رێپێوان چونە بەردەم ئۆفیسی سەرۆكوەزیرانی هەڵبژێردراوی لەندەن و بە بۆریس جۆنسنیان وت "تۆ سەرۆكوەزیرانی ئێمە نیت" "بڕۆ دەرەوە ... بڕۆ دەرەوە...بڕۆ دەرەوە"

بەگوێرەی ئاژانسی رۆیتەرز، خۆپیشاندەران دژی سیاسەتەكانی پارتی پارێزگاران دروشمەكانیان وتوەتەوە و لە دژی پارتەكەی بۆریس جۆنسن وتویانە بەخێرهاتنی پەنابەران دەكەین

هەر بەگوێرەی ئاژانسەكە، لەپێناو كۆنتڕۆڵكردنی دۆخەكە ژمارەیەكی زۆر لە پۆلیسی بریتانیا چونە سەر شەقامەكان.

شەوی پێنج شەممە، پارتی پارێزگارانی بریتانیا بە سەرۆكایەتی بۆریس جۆنسن، توانی سەركەوتنێكی گەورەی مێژویی بەدەستبهێنێت كە لەدوای سەردەمی مارگرێت تاتشەرەوە ئەو حزبە سەركەوتنی هێندە گەورەی بەدەستنەهێناوە.

 



Copyright © 2016 Xendan.org all rights reserved

designed and developed by AVESTA GROUP