بەڕێوەبەرایەتی خۆسەر: ئەستانە نوێنەرایەتی گەلانی سوریا ناکات

- 12/14/2019 8:21:00 AM 1683 جار خوێندراوەتەوە

خەندان-

بەڕێوەبەرایەتی خۆسەری باکور و ڕۆژهەڵاتی سوریا رایگەیاند، کۆبونەوەی ئەستانە نوێنەرایەتی ئیرادەی گەلانی سوریا ناکات و پڕۆژەی بەڕێوەبەرایەتی خۆسەری پرۆژەیەکە کە ئامانجی یەکێتی سوریایە.

11ی ئەم مانگە، هەریەکە لە وڵاتانی روسیا، تورکیا و ئێران دوای کۆبونەوەیان لە ئەستانە جەختیان لەسەر گرنگی پاراستنی یەکپارچەیی خاکی سوریا کردەوە و رایانگەیاند، پێویستە هەمو هێزە چەکداریەکانی رۆژئاڤای کوردستان لەناوببرێن.

بەڕێوەبەرایەتی خۆسەری باکور و ڕۆژهەڵاتی سوریا ڕاگەیەنراوێکی لەبارەی 14مین خولی کۆبونەوەی ئاستانا بڵاوکردەوە و رایگەیاند، لە ناو ئاڵۆزی داگیرکەریی سوریا و چارەسەرنەکردنیدا، بە پێی میکانیزمی خزمەتکردنی گەلی سوریا و بۆچونەکانیدا لە 11 و 12 کانونی یەکەمدا کۆبونەوەی خولی 14ی ئاستانا "بە بەشاداری روسیا، تورکیا، ئێران و حکومەتی سوریا و شانۆگەری بە حساب ئۆپۆزسیۆنی سوریا دەستیپێکرد".
گفتوگۆکان لەبارەی دورخستنەوەی هەرەشە ڕاستەقینەکانی سەر گەلان سوریا پێکنەهات و لە خزمەتی داگیرکەری دەوڵەتی تورک و تیرۆریستاندا بو

 

ئاماژە بەوەکراوە، "وەکۆ ئەنجامەکانی پێشو وەک ڕۆژێک لە ئاستانا، ڕۆژێک لە جنێڤ و ڕۆژێک لە سوچی، لە خزمەتی گەلانی سوریادا نەبو، هەروەها گفتوگۆکان لەبارەی دورخستنەوەی هەرەشە ڕاستەقینەکانی سەر گەلان سوریا پێکنەهات و لە خزمەتی داگیرکەری دەوڵەتی تورک و تیرۆریستاندا بو، لە هەمان کاتدا هێشتا دوژمنایەتی سوریەکان و خەباتیان بۆ خوڵقاندنی چارەسەری نەتەوەیی سوریا دەکرێت".

بەڕێوەبەرایەتی خۆسەری باکور و ڕۆژهەڵاتی سوریا باسی لەوەشکردوە، "ئەگەر لە راستیدا خەبات بۆ یەکێتی نەتەوەیی لە هەر کۆبونەوە و کۆنگرەیەکدا بکرایا، بەڕێوەبەرایەتی خۆسەری باکور و ڕۆژهەڵاتی سوریا بە پراکتیکی پشتگیری لە خەباتی یەکێتی سوریا و گەلەکەی دەکرد و کردویەتی، بەرێوەبەرایەتیەکەمان هەمو کاتێک بۆ ئەنجامدانی نزیکبونەوە و دیالۆگی نێوان لایەنەکانی سوریا بە بەرپرسیاریی نەتەوەی لە کانگای پاراستنی بەڕێوەبەرایەتی خۆسەر ئامادەیی خۆی نیشانداوە".
 هەمو کۆبوونەوەکان بۆ بەرژەوەندی ئیرادەی سوریەکان نەبوە و هیچ بەرهەمێکیان نابێت

 

ئەوەش خراوەتەڕو، "ئێمە گەلەکەمان پشتراست دەکەینەوە کە هەمو کۆبوونەوەکان بۆ بەرژەوەندی ئیرادەی سوریەکان نەبوە و هیچ بەرهەمێکیان نابێت، هەمو بانگەشە و راگەیەنراوەکان لەبارەی بەرپرسیاریان بەرامبەر مافی سوریەکان درۆن و ئێمە ڕەتیدەکەیەنەوە، بەڕێوەبەرایەتی خۆسەری پرۆژەیەکی سوریە بۆ ئامانجی مافەکانی گەل و یەکێتی سوریایە".

بەڕێوەبەرایەتی خۆسەری باکور و ڕۆژهەڵاتی سوریا باسی لەوەشکردو، "بە هەبونی دەوڵەتی تورک لە ناو کۆبونەوەکاندا کە لەدژی گەلەکەمان لە هەمو ئەو هەرێمانەی داگیرکراون کۆمەڵکوژی ئەنجامدەدات، هیچ واتا و ڕەوایەتیەکی کۆبونەوەکە نییە، بەو هۆیەوە داوا لە ڕوسیا دەکەین کە سپۆنسەری کۆبونەوەی ئاستانایە ڕۆڵی خۆی بگێڕێت، بۆ ئەوەی کۆبونەوەکان ئەرێنی ببن و کۆبونەوەکان لەسەر بناغەی سیاسی و نەتەوەیی نەبن، بۆ ئەوەی نوێنەرایەتی بە ملیۆنان کەس بکات و لە ڕێگەی هەزاران کەس کە گیانیان لەدەستدا یەکێتی سوریا و گەلەکەی دروست ببێت".


Copyright © 2016 Xendan.org all rights reserved

designed and developed by AVESTA GROUP