ڤیدیۆ؛ پۆلیسی نەهێشتنی تاوانی سۆران حاڵەتێكی فێڵكردن ئاشکرا دەکات

- 12/12/2019 11:05:00 PM 9030 جار خوێندراوەتەوە

خەندان-

پۆلیسی نەهێشتنی تاوانی سۆران رایگەیاند، تیمەكانیان توانیویانە "حاڵەتێكی فێڵكردن" ئاشكرا بكەن لەكاتی گۆڕینەوەی دراوەكان لەناو بازاڕدا.

پۆلیسی نەهێشتنی تاوانی سۆران لە تۆڕی کۆمەڵایەتی فەیسبوک ڤیدیۆییەکی بڵاوکردەوە و رایگەیاندوە، دواى چاودێریكردنێكی ورد توانیویانە دو كەس دەستگیربكەن لەكاتی ئەنجامدانی "تاوانی فێڵکردن" دا، هەروەها دەستبگرن بەسەر بڕی 420 هەزار دینار، كە بە تیپ لێك درابو پێکەوە.

فێڵەکە بەشێوەیەكە لەكاتی ژماردنی پارەكە دو ئەوەندەی ژمارە راستییەكە دەردەچو

 

ئاماژەی بەوەشکرد، فێڵەکە بەشێوەیەكە لەكاتی ژماردنی پارەكە دو ئەوەندەی ژمارە راستییەكە دەردەچو، واتا لە ژمارەی راستی خۆی زیاتر دەردەچو.

پۆلیسی نەهێشتنی تاوانی سۆران داوا لە هاوڵاتیان دەکات ئاگاداری ئەو جۆرە فێڵکردنە بن لەكاتی گۆڕینەوەی دراوەكان

 

پۆلیسی نەهێشتنی تاوانی سۆران داوا لە هاوڵاتیان دەکات ئاگاداری ئەو جۆرە فێڵکردنە بن لەكاتی گۆڕینەوەی دراوەكان.


نیشانەکردن :

#سۆران

Copyright © 2016 Xendan.org all rights reserved

designed and developed by AVESTA GROUP