موسڵ؛ بەهۆی ته‌قینه‌وه‌ی مینێك دو منداڵ گیانیان له‌ده‌ستدا

- 12/12/2019 9:29:00 PM 1105 جار خوێندراوەتەوە

خەندان-

سه‌رچاوه‌یه‌كی ئه‌منی له‌پارێزگای نه‌ینه‌وا رایگەیاند، به‌هۆی ته‌قینه‌وه‌ی مینێكی گروپی تیرۆرستی داعش له‌ باشوری موسڵ، سێ منداڵ گیانیان له‌ده‌ستداوە و دو كه‌سی دیكه‌ش برینداربون. 

سه‌رچاوه‌یه‌كی ئه‌منی له‌پارێزگای نه‌ینه‌وا ئێوارەی ئەمڕۆ پێنجشەممە رایگه‌یاند، "ئێواره‌ی ئه‌مڕۆ به‌هۆی ته‌قینه‌وه‌ی مینێكی چه‌كدارانی گروپی تیرۆرستی داعش له‌نزیك خوێندنگه‌یه‌ك له‌ناوچه‌ی كنعوسی باشوری شاری موسڵ، سێ منداڵ گیانیان له‌ده‌ستداوە و دو كه‌سی دیكه‌ش برینداربون".
هێزه‌ ئه‌منیه‌كان گه‌یشتونه‌ته‌ شوێنی ڕوداوه‌كه‌و لێكۆڵینه‌وه‌یان ده‌ستپێكردوه‌

 

ئاماژەی بەوەشکرد، هێزه‌ ئه‌منیه‌كان گه‌یشتونه‌ته‌ شوێنی ڕوداوه‌كه‌و لێكۆڵینه‌وه‌یان ده‌ستپێكردوه‌، ده‌ریشكه‌وتوه‌ ئه‌و مینه‌ له‌سه‌رده‌می گروپی تیرۆرستی داعش له‌نزیك خوێندنگه‌كه‌ دانراوه‌ و ئه‌مڕۆ ته‌قیوه‌ته‌وه‌.
موسڵ دەکەوێتە بەشی باشوری عێراق، شارەکە لە 10 شوباتی 2014 لەلایەن چەکدارانی داعشەوە دەستیبەسەردا گیرا

 

موسڵ دەکەوێتە بەشی باشوری عێراق، شارەکە لە 10 شوباتی 2014 لەلایەن چەکدارانی داعشەوە دەستیبەسەردا گیرا و بەهۆیەوە زەرەر و زیانێکی زۆر بە شارەکەی گەیشتوە.
پێش چونی چەکدارەکانی داعش بۆ شارەکە، ژمارەیی دانیشتوانی شارەکە زیاتر بو لە دو میلۆن کەس، بەڵام دوای هێرشەکە ژمارەیەکی زۆریان لێ ئاوارەبون

 

پێش چونی چەکدارەکانی داعش بۆ شارەکە، ژمارەیی دانیشتوانی شارەکە زیاتر بو لە دو میلۆن کەس، بەڵام دوای هێرشەکە ژمارەیەکی زۆریان لێ ئاوارەبون، کە زۆرینەی خەڵکی شارەکە کۆچبەری هەرێمی کوردستانبون.

شارەکەی زۆرینەی خەڵکەکەی عەربن و نزیکەی یەک لەسەر سێی دانیشتوانی کوردن، دەوروپشتی شارەکە ھەرە زۆری کوردن، ئەم شارە سنوردارە لەگەڵ کوردستان.

نیشانەکردن :

#موسڵ

Copyright © 2016 Xendan.org all rights reserved

designed and developed by AVESTA GROUP