برایان هۆك: هەوڵی ئازادكردنی سەرجەم دیلەكانی دیكەمان دەدەین لە زیندانەكانی ئێران

- 12/12/2019 8:31:00 AM 1280 جار خوێندراوەتەوە

خەندان-

برایان هۆک، نوێنەری تایبەتی وەزارەتی دەرەوەی ئەمریکا بۆ کاروباری ئێران  رایگەیاندوە، هەوڵەكانمان بەردەوام دەبێت بۆ ئازادكردنی سەرجەم ئەمرییكیەكانی دیكە لە زیندانەكانی ئێران.

هۆك رایگەیاند، ئێمە نزیكەی 40 ساڵە پەیوەندییە دیپلۆماتیمان لە گەڵ ئێراندا نییە، لەو چوارچێوەیەدا سویسرا وەک پارێزەری بەرژەوەندییەکانمان لە ئێران ناسراوە و هەوڵەكانی زۆر بە باشی بەڕێوەبردوە، لە پرسی ئاڵوگۆڕی زیندانەكانی ئەم دواییەش رۆڵی باشی بینی.

وتیشی، ئاڵوگۆڕی ئەم دواییە دیلەكانمان سەلمێنەری ئەو راستیەیە كە دەتوانین لەگەڵ ئێران رێككەوین و بەردەوامبین لە گفتوگۆكانمان لە پێناو ئازادكردنی سەرجەم ئەمرییكیەكانی دیكە لە زیندانەكانی ئێران، بۆ ئەو مەبەستەش دەمانەوێت خواستی ئێرانیەكان ببینین و ئەو بابەتە پەیوەستە بە ئێرانیەكانەوە، ئێمە ئامادەی گفتوگۆی لەگەڵ كونسوڵگەری ئێرانییەكان و هیوادارین ئەوانیش ئامادەییان تێدابێت.

رۆژی 12/7/2019 دوای بڕیاردانی ئاڵوگۆڕی دیلەكان لە نێوان ئەمریكا و ئێران، مەسعود سلێمانی زانای گەورەی ئێران دوای دو ساڵ زیندانی لەلایەن ئەمریكاوە ئازادكراو گەیشتەوە فرۆكەخانەی تاران. لەبەرامبەریشدا سێ وانگ، زانای ئەمریکی كە لەساڵی 2016 لەلایەن حکومەتی ئێرانەوە بەتۆمەتی سیخوڕیکرن بۆ ویلایەتە یەکگرتوەکانی ئەمریکا دەستگیرکرا ئازادكرا.


Copyright © 2016 Xendan.org all rights reserved

designed and developed by AVESTA GROUP