ڤیدیۆ.. ژنێك بە عەزی بوكەوە هێرشدەكاتە سەر ئاهەنگێكی هاوسەرگیری

- 12/11/2019 5:33:00 PM 41013 جار خوێندراوەتەوە

خەندان-

یەكێك لەو كارەساتانەی روبەڕوی ئاهەنگێكی هاوسەرگیری دەبێتەوە، لەوانەیە هاتنی یەكێك لە خۆشەویستەكانی پێشوی بوك یاخود زاوابێت بۆ ناو ئاهەنگەكە و لە ناوەڕاستی بۆنەكەدا خۆی بناسێنێت و داوای هەلوەشاندنەوەی پرۆسەكە بكات.

پێش هەموان بوك و زاوا بە روداوەكە شۆك دەبن و دواتر ئامادەبوان

لە وەیڵز-سەر بە شانشینی یەكگرتوی بریتانیا، لە ئاهەنگێكی هاوسەرگیریدا و لەكاتی سەماكردنی بوك و زاوایەكدا، روداوێكی سەیر رودەدات، پێش هەموان بوك و زاوا بە روداوەكە شۆك دەبن و دواتر ئامادەبوان، بەڵام ئەنجامی روداوەكە چاوەڕواننەكراوە.

ژنێك بە عەزیەكی سپی بوكەوە، لەناكاو هێرشدەكاتە سەر بوك و زاوا لەكاتی سەماكردنیاندا، لە گرتەیەكی ڤیدیۆییشدا كە دیمەنەكانی تێدا تۆماركراوە، دەنگی ژنەكە لەكاتی هێرشكردنیدا دەبیسترێت كە دەڵێت "دەبوایە ئەوە ئاهەنگی من بوایە" و وەك خۆشەویستی پێشوی زاوا مامەڵە دەكات.

دواتر بوكە راستەقینەكە دەستدەكات بە پێكەنین، تەنانەت دەنگی قاقای پێكەنینەكانی دەبیسترێت

دواتر هێرشدەكاتە سەر زاوا، پاش ئەوەی لە سەرەتادا هەموان توشی شۆك دەكات بەڵام دواتر بوكە راستەقینەكە دەستدەكات بە پێكەنین، تەنانەت دەنگی قاقای پێكەنینەكانی دەبیسترێت، چەنكی دەردەكەوێت ئەو ژنەی هێرشەكەی ئەنجامداوە خانمێكی كۆمێدییە بە ناوی جانواری رییس.

بەپێی وتەكانی ستەیسی ئۆوێن، ئەو خانمەی خاوەنی ئاهەنگەكەیە و بوكی راستەقینە بو، ئەو خانمە كۆمێدییە لەسەر بانگهێشتی یەكێك لە هاوڕێ نزیكەكانیان ئەو كارەی ئەنجامداوە، كە سەرەتا توشی شۆكی كردوە و وایزانیوە هاوڕێی پێشوی هاوژینەكەیەتی، بەڵام كە وردبوەتەوە ئەكتەرەكەی ناسیوە.




نیشانەکردن :

#جۆراوجۆر

Copyright © 2016 Xendan.org all rights reserved

designed and developed by AVESTA GROUP