نەتەوە یەکگرتوەکان: هێزە ئەمنییەکانی عێراق چالاکوانانی خۆپیشاندانەکانیان کردۆتە ئامانج

- 12/11/2019 2:30:00 PM 724 جار خوێندراوەتەوە

خەندان - 

لیژنەی لێکۆڵینەوەی نەتەوە یەکگرتوەکان لە سێهەمین راپۆرتیدا کە لەسەرەتای خۆپیشاندانەکانەوە هەتا ئێستا بڵاویکردەوە رایگەیاند، چەندین بەڵگەنامەی بڕواپێکراویان پێگەیشتوە، کە خۆپیشاندەرە دیارەکان و چالاکوانانی عێراق لەلایەن هێزە ئەمنیەکان و گروپە چەکدارەکانەوە کراونەتە ئامانج.
چاڵاکوان و خۆپیشاندەرە دیارەکانی عێراقیان کردوە بە ئامانج

ئەمڕۆ چواشەممە نەتەوە یەکگرتوەکان لە نوێترین راپۆرتیدا ئاماژەی بەوەکرد، چەندین بەڵگەنامەی پشتڕاستکراوەیان پێگەیشتوە، کە دەریدەخەن هێزە ئەمنیەکان و گروپە چەکدارەکانی عێراق چاڵاکوان و خۆپیشاندەرە دیارەکانی عێراقیان کردوە بە ئامانج".
لە زیندانی تاکە کەسیدا زیندانیان کردون، بەبیانوی ئەوی ئاسایشی نەتەوەیەتیان تێکداوە

رونیشیکردوە، ئەو زانیاریانەی پێیانگەیشتوە ئاماژە بەوە دەکەن هێزە ئەمنیەکان چەندین کەسیان لەناو ماڵەکانی خۆیان یان لەناو ئوتومبێلەکانی خۆیاندا دەستگیرکردوە، لە زیندانی تاکە کەسیدا زیندانیان کردون، بەبیانوی ئەوی ئاسایشی نەتەوەیەتیان تێکداوە.

هاوکات ئەوەشی راگەیاند، گروپە چەکدارەکانی عێراق زیاتر لە پێنج چالاکوان و خۆپیشاندەری دیاری بەغدادیان دەستگیر کردوە، لە زیندانی تاکە کەسی نا فەرمیدا بەندیانکردون و چەندین رۆژ لێپێچینەوەیان لەگەڵدا کردون".

ئەمە لەکاتێکدای ئەمڕۆ سه‌رچاوه‌یه‌كی ئه‌منی له‌ به‌غدا رایگه‌یاند، عه‌لی ئه‌لامی، چالاكوانی مه‌ده‌نی دوای ئه‌وه‌ی له‌گۆڕه‌پانی ته‌حریره‌وه‌ گه‌ڕاوه‌ته‌وه‌ بۆ ماڵه‌كه‌ی خۆی، له‌ڕێگه‌ی چەند کەسێکی نەناسراوەوە له‌ناوچه‌ی شه‌عبی به‌غدا كوژراوه‌.

لە 25ی ئۆکتۆبەری ئەمساڵەوە خۆپیشاندەران لەسەر شەقامەکانی بەغدای پایتەخت و چەند شارێکی دیکەی باشوری عێراقن و دۆخی ئەمنی تاڕادەیەک ناجێگیری بەخۆوە بینیوە، لەماوەی چەند هەفتەی رابردوشدا دەیان چالاکوانی مەدەنی کوژراون، هاوکات ژمارەی ئەو خۆپیشاندەرانەی لە خۆپیشاندانەکاندان گیانیان لەدەستداوە گەیشتوەتە زیاتر لە 480 کەس.


Copyright © 2016 Xendan.org all rights reserved

designed and developed by AVESTA GROUP