"پێویستە میلیشیاکانی سوریا لەناوببرێن
لایەنەکانی ئەستانا جەخت لەسەر گرنگی پاراستنی یەکپارچەیی خاکی سوریا دەکەنەوە

- 12/11/2019 2:24:00 PM 1580 جار خوێندراوەتەوە

خەندان-         

هەریەکە لە وڵاتانی روسیا، تورکیا و ئێران جەختیان لەسەر گرنگی پاراستنی یەکپارچەیی خاکی سوریا کردەوە و رایانگەیاند، پێویستە هەمو هێزە چەکداریەکانی رۆژئاڤای کوردستان لەناوببرێن.

هەرسێ وڵاتی روسیا، تورکیا و ئێران لە راگەیەنراوی کۆتایی دانوستانەکانی ئەستانە کە لە نور سوڵتان-ی پایتەختی کازاخستان بەڕێوەچو رایانگەیاند، جەخت لەسەر گرنگی پاراستنی یەکپارچەیی خاکی سوریا دەکەنەوە.
هەرسێ دەوڵەت رێککەوتون لەسەر سەقامگیرکردنی ئاشتی و ئاسایش لە رۆژئاڤای کوردستان، لەماوەیەکی درێژدا

 

ئاماژەیان بەوەشکردوە، هەرسێ دەوڵەت رێککەوتون لەسەر سەقامگیرکردنی ئاشتی و ئاسایش لە رۆژئاڤای کوردستان، لەماوەیەکی درێژدا.

لە راگەیەندراوەکەدا ئەوەش خراوەتەڕو، "ئاشتی لەو ناوچەیەدا دەستەبەر نابێت جگە لەوەی لەچوارچێوەی سوریایەکی یەکپارچەدا نەمێننەوە"، هەروەها لەرێککەوتننامەی سۆچی کە لە 22ی ئەکتۆبەردا لەنێوان روسیا و تورکیادا واژۆکراوە جەخت لە رێککەوتننامەی ئەدەنەی ساڵی 1998 کراوەتەوە.
هەر لەبەیاننامەکەدا ئیدانەی هێرشەکانی ئیسرائیل بۆ سەر خاکی سوریا کراوە، بە پێشێلکاریی یاسایی نێودەوڵەتی ناویانبردوە

 

هەر لەبەیاننامەکەدا ئیدانەی هێرشەکانی ئیسرائیل بۆ سەر خاکی سوریا کراوە، بە پێشێلکاریی یاسایی نێودەوڵەتی ناویانبردوە.

هەرسێ وڵات نیگەرانی خۆیان لەبارەی بەهێزبونی دەستەی رزگاریخوازی شام، داعش و ئەلقاعیدە لە ئیدلیب راگەیاندوە، کە هەڕەشەن لەسەر هاوڵاتیانی سیڤیلی ئەو ناوچەیە، هاوکات جەختیان لەسەر پێویستی لەناوبردنی ئەو هێزە میلیشیانەنە کردەوە بەشێوەیکی بنەبڕ.

لەکۆتایی راگەیەنراوەکەدا هەرسێ وڵاتدا گرنگی هەوڵەکانی هەمو ئەو لایەنانە بەرزنرخێندراوە، کە دەیانەوێت دیلەکانی سوریا ئازاد بکەن.

هەرسێ وڵات بڕیاریانداوە دانوستانەکانی داهاتوی ئەستانە لەمانگی ئازاری ساڵی داهاتو لە نور سوڵتانی پایتەختی کازاخستان بەڕێوەبچێت.

نیشانەکردن :

#ئێران #تورکیا #روسیا

Copyright © 2016 Xendan.org all rights reserved

designed and developed by AVESTA GROUP