بەپەلە

باڵیۆزی كەنەدا بۆ هاوڵاتیەكی عێراقی: دوبارەكردنەوە گوێدرێژ فێردەكات

- 12/9/2019 10:17:00 PM 24469 جار خوێندراوەتەوە

خەندان-

لە كاردانەوەیەكی بێوێنەدا، باڵیۆزی كەندا لە عێراق سەبارەت بە بڵاوكراوەكانی بە زمانی عەرەبی وەڵامی بەكارهێنەرێكی تویتەر دەداتەوە و دەڵێت "دوبارەكردنەوە گوێدرێژ فێردەكات".

پاش ئەوەی هەژماری بەكارهێنەرێكی تویتەر لەو تۆڕە كۆمەڵایەتیە هەستا بە راستكردنەوەی ژمارەیەك هەڵەی رێزمانیی و رێنوسیی بڵاوكراوەكانی هەژماری فەرمی ئوڕێك شانن، باڵیۆزی وڵاتی كەنەدا لە عێراق، ئەو باڵیۆزە بە شێوەیەكی سەنجڕاكێش وەڵامی داوەتەوە.

لە وەڵامی تویتەكانی هەژماری "الرقیب اللغوی" كە بە واتای چاودێری زمانەوانی دێت، باڵیۆزی كەنەدا نوسویەتی "لەتۆ سود وەردەگرین، سەرجەم بڵاوكراوەكانی هەژمارەكەی تویتەر خۆم دەیاننوسم، سوپاس بۆ ئەو وردبینیە، چونكە وەك خوێندكارێكی بیانی دەڵێم (دوبارەكردنەوە گوێدرێژ فێردەكات)".

ئەو تویتەی باڵیۆزی كەنەدا كاردانەوەیەكی زۆری بەدوای خۆیدا هێنا و بوە جێی سەرنجی ئاژانسە جیهانییەكان و بەشێكە لە هەواڵەكانیان.



Copyright © 2016 Xendan.org all rights reserved

designed and developed by AVESTA GROUP