ڤیدیۆ..پیاوێك لە نەخۆشخانە خۆی دەكاتە كورسی بۆ هاوژینە دوگیانەكەی

- 12/9/2019 9:14:00 PM 2256 جار خوێندراوەتەوە

خەندان-


لە یەكێك لە نەخۆشخانەكانی هێیڵۆنگجیانگ، لە باكوری رۆژهەڵاتی چین، گرتە ڤیدیۆیەك بڵاوبوەتەوە تێیدا پاش ئەوەی هاوژینە دوگیانەكەی ماندو دەبێت پیاوێك خۆ دەكاتە كورسی تا هاوژینەكەی بحەوێتەوە.

گەشەكردنی منداڵێك لەناو جەستەدا، تەنانەت لە رۆژێكی ئاساییدا كارێكی زەحمەتە بەتایبەت ئەگەر ماوەی چەند كاتژمێرێك بەپێوە بەسەرببەیت، لەگەڵ ئەو كێشە زیادەی لەسەر پێیەكانە، ئارامیت لەبەردەبڕێت، لەو روانگەیەوە دیمەنی پیاوێكی چینی بۆ یارمەتیدانی هاوژینە دوگیانەكەی تا بحەوێتەوە بوەتە جێی سەرنجی بەركارهێنەرانی تۆڕە كۆمەڵایەتیەكان.

هیچكام لەو خەڵكەی چواردەوری كە دانیشتوین ئامادەنین شوێنەكانیان چۆڵبكەن

پۆلیسێك لە نەخۆشخانەیەكی چین، كاتێك دەبینێت یەكێك لەو خانمە دوگیانانەی سەردانی نەخۆشخانەكەی كردوە ماندوە و دەیەوێت دانیشێت، بەڵام هیچكام لەو خەڵكەی چواردەوری كە دانیشتوین ئامادەنین شوێنەكانیان چۆڵبكەن و بەردەوام لە كاركردن و یاریكردن بە مۆبایلەكانیان، هاوژینەكەی دەنوشتێتەوە و لە بەرامبەر دیوارەكە پشتی دەكاتە كورسی تا ئەو خانمە بحەوێتەوە.

یەكێك لەو كەسانەی دانیشتون بە مۆبایلەكەی دیمەنەكە تۆماردەكات

لەكاتی ئەنجامدانی ئەو كارەدا، ئەو كەسانەی لە بەرامبەریاندا و لەسەر كورسییەكان دانیشتون، سەربەرزدەكەنەوە و دیمەنەكە دەبینن، بەڵام نەك هەتسیان ناجوڵێت و شوێنەكانیان چۆڵناكەن، بەڵكو یەكێك لەوانە بە مۆبایلەكەی دیمەنەكە تۆماردەكات.

لەگەڵ ئەوەی هەندێك لە بینەرانی ڤیدیۆكە تێبینی ئەوەیان كردوە لە بەشی سەروتری كۆریدۆرەكەدا هەندیك كورسی بەتاڵ هەیە و ئەو دو هاوژینە دەیانتوانی ئەو كورسیانە هەڵبژێرن بۆ دانیشتن لەبری ئەوەی پیاوەكە خۆی بكاتە كورسییەك، لە بەرامبەردا هەندێكی دیكە دەڵێن پێدەچێت ئەو شوێنە بۆ خانمەكە دوربێت و گوێی لە بانگكردنی نەبێت كاتێك سەرەی دێت بۆلای پزیشك، یاخود بڕینی ئەو ماوەیە زۆر بێت بۆی.

سەرجەم دیمەن و روداوەكان لایەنگر و رەخنەگریان هەیە، بەڵام ئەوەی جێگەی دەستخۆشی و ستایشی بەكارهێنەرانی تۆڕە كۆمەڵایتیەكانە رەفتاری پیاوەكەیە و دەڵێن ئەو خانمە "كەسە دروستەكەی هەڵبژاردوە" بۆ هاوبەشی ژیانی خۆی.

 



Copyright © 2016 Xendan.org all rights reserved

designed and developed by AVESTA GROUP