"چەند جار پێت بڵێم ئیسلام لە ئاشتیەوە هاتوە"
ئەردۆگان لەسەر دەستەواژەی" ئیسلامی تێرۆرستی" رەخنە لە هاوتا فرەنسیەکەی دەگرێت

- 12/9/2019 5:10:00 PM 8186 جار خوێندراوەتەوە

خەندان-

رەجەب تەیب ئەردۆگان، سەرۆککۆماری تورکیا لەسەر بەکارهێنانی دەستەواژەی" ئیسلامی تێرۆرستی"هێرش دەکاتە سەر ئیمانیۆل ماکرۆن سەرۆکی فرەنسا و دەڵێت" ئیسلام و تێرۆر دو شتن هەرگیز یەکناگرنەوە".

دەستەواژەی ئیسلامی تێرۆرست-ی بەکارهێنا و ئەوەش سەرۆکی وڵاتانی ئیسلامی توڕەکرد

 

ماکرۆن، لە میانی کۆبونەوەی لوتکەی ناتۆ کە سەرەتای ئەم مانگە لە لەندەن بەڕێوەچو، چەندین جار لە وتار و کۆبونەوە دو قۆڵیەکانی لەگەڵ سەرۆکی وڵاتانی بەشداربو بە ئاماژە بە چەکدارە توندڕەوەکان دەستەواژەی" ئیسلامی تێرۆرست"ی بەکارهێنا و ئەوەش سەرۆکی وڵاتانی ئیسلامی توڕەکرد.
 چەند جار پێم وتوە وشەی ئیسلام لە سەلامەوە هاتوە

ئەمرۆ دوشەمە رەجەب تەیب ئەردۆگان رەخنەی توندی لە هاوتا فرەنسیەکەی گرت و وتی" سەرۆکی فرەنسا هاتوە لە کۆبونەوەی لوتکەی ناتۆ باسی ئیسلامی تێرۆرستیم بۆ دەکات، چەند جار پێم وتوە وشەی ئیسلام لە سەلامەوەهاتوە، کە[لە عەرەبیدا] بە واتای ئاشتی دێت".
چۆن رێگە بەخۆت دەدەیت وشەی تێرۆر و ئاشتی بخەیتە پاڵ یەک

 

"چۆن رێگە بەخۆت دەدەیت وشەی تێرۆر و ئاشتی بخەیتە پاڵ یەک و بڵێیت ئیسلامی تێرۆرستی" ئەردۆگان وای وات. 

دوێنێ، ئۆزگیور ئۆزێل، یەكێك لە پەرلەمانتارانی پارتی گەلی كۆماری، گەورەترین پارتی ئۆپۆزسیۆنی توركیا سەبارەت بە هەڵوێست و كاردانەوە جیاوازەكانی رەجەب تەییب ئەردۆگان، سەرۆك كۆماری وڵاتەكەی بەرامبەر وتە توندەكانی ئیمانوێل ماكرۆن، سەرۆكی فڕەنسا لەمیانی لێدوانێكی رۆژنامەوانیدا رایگەیاند "پێش ئەوەی بچێتە لەندەن بۆ بەشداریكردن لە لوتكەی ناتۆ، ئەردۆگان وەك پڵنگێك بە توندی وەڵامی ماكرۆن-ی دایەوە..لە ئیستانبوڵ پڵنگە و لە لەندەن پشیلە".



Copyright © 2016 Xendan.org all rights reserved

designed and developed by AVESTA GROUP