حەشدی شەعبی بەیاننامەیەكی لەسەر توندوتیژیەكانی ناوچەی سنك و خەلانی بڵاوكردەوە

- 12/9/2019 12:09:00 AM 7026 جار خوێندراوەتەوە

خەندان-

حەشدی شەعبی بەیاننامەیەكی لەسەر توندوتیژیەكانی ناوچەی سنك و خەلانی بڵاوكردەوە.

لە بەیاننامەكەدا حەشدی شەعبی رایگەیاند،"بەپێویستی دەزانین كۆمەڵێك راستی بخەینە بەردەم رای گشتی بۆ ئەوەی گەلی عێراق لێی ئاگادار بێت و بزانن چی رودەدات، چونكە هەندێك لایەنی ناوخۆو دەرەكی دەیانەوێت ئیرادەی ئاژاوەگێڕی بخەنە ناو وڵاتەكەمان."

حەشدی شەعبی رایگەیاند،"هەموان دەزانن ژمارەیەكی زۆر لە خۆپیشادەران بەدەم داواكارییەكەی مەرجەعیەتەوە چون كە داوایكرد، ئاژاوەگێران دەربكرێن لە ریزەكانی خۆپیشاندەران و خۆپیشاندەران بپارێزرێن و مافی خۆپیشاندانی ئاشتیانە بپارێزرێت، بەڵام لەراستیدا دەستێكی ناوخۆیی و دەرەكی دەیەوێت ئاژاوەگێڕی بخانە ناو رۆڵەكانی گەلەوە".

راشیگەیاند،"بەتایبەتی ئەو خۆپیشاندەرانەی لە ناوچەی سنك بون، هەندێك لە تێكدەرەكانی ناویان دەستیانكرد بە سوتاندنی مزگەوتەكان، ئەم گروپە هەوڵیانداوە خۆیان بسەپێنن و ئیستفزازی خۆپیشاندەران بكەن و بە چەقۆو چەك و قومبەلە و بۆمبی مۆلۆتۆ هێرشیانكردوەتە سەر خۆپیشاندەران و شوێنەكانیان سوتاندوە، هەروەك لە دەزگا راگەیاندنەكان بڵاوكرایەوە و مەرجەعیەت باسی كردوە، ئەم گروپە بون كە 23 كەسیان لە خۆپیشاندەران رفاندوە"

بەگوێرەی بەیاننامەكە، حەشدی شەعبی دەڵێت،"ئەم هۆكارانە وایانكردوە كە هێزەكانیان بەهۆی نەبونی هێزە ئەمنیەكانی دەوڵەتەوە بێنە ناو دۆخەكەوە و پارێزگاری لە خۆپیشاندەران بكەن، كاتێك بینیویانە دەستڕێژی گولە لە خۆپیشاندەران دەكرێت هێزەكانیان بەرپەرچیان داوەتەوە، ئەمەش بوەتە هۆی پێكدادانی دولایەنە لە نێوان هێزەكانی حەشدی شەعبی و ئەو گروپە تێكدەرانە، لەو كاتەدا ئەو گروپە ویستویانە خۆپیشاندەرە دەستبەسەركراوەكان لەناو ریستۆرانتە توركییەكەی بشارنەوە و ئاگریان تێبەرداوە."

ئاماژەی بەوەشكردوە،"تەنانەت هێزەكانی سەرای سەلام بەشێوەكی فراوان لە ناوچەكە بونیان هەبوە، لەبەر ئەوەی هەمانهەنگی نەبوە لەنێوان حەشدی شەعبی و هێزەكانی سەرای سەلام، پێكدادان رویداوە و قوربانی لێكەوتوەتەوە. كاتێكیش سەركردایەتی هێزەكان و سەركردایەتی حەشد، كۆبونەوەیەكیان گرێداوە لەگەڵ هێزەكانی ئۆپراسیۆنی بەغدا و سەرای سەلام و هێزەكانی دیكە، رێكەوتن كراوە كە هێزەكانی سەرای سەلام لە ناوچەكە بكشێنەوە."

حەشدی شەعبی رایگەیاند،"گەلە خۆشەویستەكەمان و خاوەنی رفێندراوەكان داوادەكەن كە بەرپرسان رۆڵەكانیان ئازادبكەن و راستیەكان بۆ رای گشتی ئاشكرا بكەن و دەرخستنی روی راستەقینەی تێكدەرەكان و ئەو روداوانەی لە ریستۆرانتە توركییەكە رویداوە و دانانی سەیتەرە بۆ پشكنینی كچ و كوڕانی ناو خێمەكانی خۆپیشاندەران لەلایەن گروپە تێكدەرەكانەوە و دەستكردن بە كاری چەكداری لەو ناوچانە، ئەمە بوەتە هۆی دروستبونی پێكدادانی چەكداری و دورخستنەوەی خۆپیشاندانەكان بەشێوەیەكی ئاشتیانە"

لە كۆتاییدا حەشدی شەعبی دەڵێت،"داوا دەكەین رۆڵەكانی گەلی عێراق بەردەوام بن لە خۆپیشاندانی ئاشتیانە و ئەوە مافی هەمو رۆڵەیەكی گەلە و پەیوەیست نییە بە تاقم و گروپێك، هاوكات داواش دەكەین لە پێویستی سەپاندنی ئەزمونی هێزە ئەمنیەكان لە ناوچەكانی خۆپیشاندەران بۆ گێڕانەوەی دۆخەكە بۆ سروشتی خۆی و پاراستنی عێراقییەكان هەروەك مەرجەعیەت داوایكردوە."



Copyright © 2016 Xendan.org all rights reserved

designed and developed by AVESTA GROUP