دابان محەمەد: لەهەمو خاڵە سنوریەكان قاچاغ بە کۆنتێنەرى گەورە و بەهێزى چەک دەکرێت

- 12/7/2019 10:25:00 PM 2265 جار خوێندراوەتەوە

خەندان-

دابان محەمەد، ئەندامی پەرلەمانی كوردستان رایگەیاند،"پێشتر قاچاغ بە کۆڵ و بار بو، بەڵام ئێستا لەهەمو خاڵە سنوریەكان قاچاغ بە کۆنتێنەرى گەورە و بەهێزى چەک و لە ڕاستەڕێى خاڵەسنورییەکانەوە دەکرێت"
لە ماوەى ڕابردودا لە 17 خاڵدا، بەدواداچونمان بۆ گەندەڵى خاڵە سنورییەکان کرد، ئەوەى تێبینى بو، هەندێک کارى نایاسایى دەکرێت

 

ئەو پەرلەمانتارەی گۆڕان لە هەژماری تایبەتی خۆی لە تۆڕی كۆمەڵایەتی فەیسبوك نوسیویەتی،"لە ماوەى ڕابردودا لە 17 خاڵدا، بەدواداچونمان بۆ گەندەڵى خاڵە سنورییەکان کرد، ئەوەى تێبینى بو، هەندێک کارى نایاسایى دەکرێت، کە سنورى گەندەڵى تێپەڕاندوە و جگە لە دزى و کارى مافیایى هیچ ناوێکى تر هەڵناگرێت، هەندێک گەندەڵیش لە ڕێگەى یاساوە ڕێکخراوە و تواناى چارەسەکردنى قورسە ئەگەر ئیرادەیەکى بەهێز نەبێت، دواتر لیژنەى مەیدانى بۆ خاڵە سنورییەکان پێکهات و گفتوگۆ لەگەڵ بەرپرسان کرا."

ئاماژەی بەوەشكردوە،"ئۆتۆمبێلى کۆن و بێ سەرەتا، ئۆتۆمبێلى درع و گرانبەها، شیر و جگەر و چەندین جۆر خۆراکى ماوەبەسەرچو، بردنە دەرەوەى کانزا فلزییەکان و هێنانى چەندین جۆر بەروبومى قەدەغەکراوى وەک هێلکە و دوگ...هتد، هاتن و ڕۆشتنیان پێوەکراوە."

ئێستا بە کۆنتێنەرى گەورە و بەهێزى چەک و لە ڕاستەڕێى خاڵەسنورییەکانەوە دەکرێت، بە ئیعتیرافى بەرپرسێکى گومرگ بێ جیاوازى لە هەمو خاڵە سنورەیەکان

 

دەشڵێت،"دەیان کۆمپانیا لە خاڵەسنورییەکان لەژێر ناوى جیاجیا، پارە لە هاوڵاتیان وەردەگرن (جگە لە سەرانە هیچ ناوێک هەڵناگرێت)، پێشتر کارى قاچاغ بە کۆڵ و بارى ولاخ لە نزیکى خاڵە سنورییەکان دەکرا، ئێستا بە کۆنتێنەرى گەورە و بەهێزى چەک و لە ڕاستەڕێى خاڵەسنورییەکانەوە دەکرێت، بە ئیعتیرافى بەرپرسێکى گومرگ بێ جیاوازى لە هەمو خاڵە سنورەیەکان."

 


Copyright © 2016 Xendan.org all rights reserved

designed and developed by AVESTA GROUP