ئەردۆگان: فرەنسا ئێستا دەسوتێت لەبەرئەوەی زۆرداری ئەو وڵاتە کۆتایی نایەت

- 12/7/2019 7:41:00 PM 1438 جار خوێندراوەتەوە

خەندان-

سەرۆکی تورکیا رەخنەیەکی توندی دیکەی ئاراستەی حکومەتی پاریس کرد و رایگەیاند، ئەردۆگان: فرەنسا ئێستا دەسوتێت لەبەرئەوەی زۆرداری ئەو وڵاتە کۆتایی نایەت.

بەپێی هەواڵێکی روسیا تودەی، ئەمڕۆ شەممە رەجەب تەیب ئەردۆگانی سەرۆکی روسیا، لەمیانەی دیداری لەگەڵ ژمارەیەک کادیری باڵای پارتەکەی، رەخنەی توندی ئاراستەی حکومەتی پاریس کردو وەک ئاماژەیەک بۆ بەردەوامی خۆپیشاندانەکانی ئەو وڵاتە رایگەیاند، فرەنسا ئێستا دەسوتێت لەبەرئەوەی زۆرداری ئەو وڵاتە کۆتایی نایەت.
لەبەر هەمان هۆکاری نادادی هەمو بنجێکی ئەو وڵاتە دەسوتێت و دادەڕمێت

ئەردۆگان وتیشی" لەبەر هەمان هۆکاری نادادی هەمو بنجێکی ئەو وڵاتە دەسوتێت و دادەڕمێت."

ئەمە لەکاتێکدایە، لەماوەی رابردودا بەهۆی دژە هەڵوێستەکانی ئیمانیۆل ماکرۆنی سەرۆکی فرەنساوە، ئەردۆگان هێرشی توندی کردۆتە سەر ماکرۆن و پێیوتوە " با تاقیکردنەوە بۆ مێشکە مردوەکەی خۆی بکات." 

ئەمەش وەک وەڵامێک بۆ وتەیەکی ئیمانیۆل ماکرۆن کاتێک رایگەیاندبو هاوپەیمانی ناتۆ " مێشکێکی مردوە." 

هاوکات، هەڵوێستی توندی ئەردۆگان بەرامبەر فرەنسا و ماکرۆن پاش پشتیوانییە بەردەوامییەکانی ئەو وڵاتەیە بۆ هێزەکان لەسوریا.

لەمیانەی کۆبونەوەی لوتکەی سەرکردەکانی ناتۆ، سەرۆکی فرەنسا جەختی کردەوە کە سیاسەتەکانی ئەردۆگان بەرامبەر کورد لەگەڵ یاسا و بەرنامەکانی هاوپەیمانێتی ناتۆ ناگونجێت.


Copyright © 2016 Xendan.org all rights reserved

designed and developed by AVESTA GROUP