میدیاکانی بریتانیا: نوسینگەکانی حزبوڵا بەرپرسن لە کوژرانی خۆپیشاندەرانی بەغدا

- 12/7/2019 12:36:00 PM 2277 جار خوێندراوەتەوە

خەندان-      

بەڵگەنامە هەواڵگیریەکانی عێراق ئاشکرایانکرد، نوسینگەکانی حزبوڵا "بەرپرسی ئەو هێرشە چەکداریەن"، کە شەوی رابردو لە نزیک پردی سنک لە مەیدانی ئەلخەلانی لە ناوەڕاستی بەغدا بۆ سەر خۆپیشاندەران ئەنجامدرا.

شەوی رابردو ژمارەیەک چەکداری نەناسراو دەستڕێژی گوللەیان لە خۆپیشاندەرانی بەغدای پایتەخت و بەهۆیەوە لانیکەم 19 خۆپیشاندەر کوژران.

ماڵپەڕی independentی بریتانی بڵاویکردەوە، بەپێی ژمارەیەک بەڵگەنامەی هەواڵگیری وەزارەتی ناوخۆی عێراق، ژمارەیەک ئەندامانی حزبوڵا لەپاش هێرشەکە کۆمەڵێک چەکیان گەڕاندوەتەوە بنکەکانیان لە رۆژهەڵاتی بەغدای پایتەخت، لەپاش ئەوەی لە هێرشە چەکداریەکەی شەوی رابردو لەدژی خۆپیشاندەران بەکاریانهێنابو.

ژمارەی ئەو چەکدارانەی بەشداربون لەو هێرشەدا لەنێوان 300-400 دەبو

 

بەپێی ئەو بەڵگەنامانەی کە دەستی ماڵپەڕی independentی بریتانی کەوتون، "ژمارەی ئەو چەکدارانەی بەشداربون لەو هێرشەدا لەنێوان 300-400 دەبو".
هاوڵاتیانی مەدەنی و لایەنگرانی رەوتی سەدر هەوڵیانداوە خۆپیشاندەران بپارێزن

 

یەکێک لە شایەتحاڵەکانی روداوەکە رایگەیاندوە، "هاوڵاتیانی مەدەنی و لایەنگرانی رەوتی سەدر هەوڵیانداوە خۆپیشاندەران بپارێزن".

لەلایەکی دیکەوە قەیس خەزعلی، فەرماندەی گشتی هێزە چەکدارەکانی عەسائیبی ئەهلی حەق، کە یەکێک بو لەو چوار بەرپرسەی عێراق کە دوێنێ لەلایەن ویلایەتە یەکگرتوەکانی ئەمریکاوە سزایان بەسەردا سەپێنرا رایگەیاند، "ئەو چەکدارانە لایەنگرانی رەوتی سەدر بون، داوای چۆڵکردنی مەیدانەکەیان لەخۆپیشاندەران کردوە".
شەوی رابردو لە شاری بەغدا و لە مەیدانی ئەلخەلانی نزیك پردی سنك دەستڕێژی گوللـە لە خۆپیشاندەران كراوە و لانیكەم 19 خۆپیشاندەر كوژراون

 

بەگوێرەی ئاژانسی رۆیتەرز، لە شاری بەغدا و لە مەیدانی ئەلخەلانی نزیك پردی سنك دەستڕێژی گوللـە لە خۆپیشاندەران كراوە و لە ئەنجامیشدا لانیكەم 19 خۆپیشاندەر كوژراون و 70ی دیکەش برینداربون.

لە 25ی مانگی ئۆکتۆبەری ئەمساڵەوە خۆپیشاندانەکانی عێراق بەردەوامن، تا ئێستاش بەهۆی گوللـەی هێزە ئەمنییەکان و گروپە نەناسراوەکانەوە نزیکەی 500 خۆپیشاندەر کوژراون.


Copyright © 2016 Xendan.org all rights reserved

designed and developed by AVESTA GROUP