مەسرور بارزانی و جەیمس جێفری لە هەولێر لە کۆبونەوەدان

- 12/7/2019 11:29:00 AM 8530 جار خوێندراوەتەوە

خەندان-

جەیمس جێفری، نێردەی تایبەتی ئەمریکا بۆ سوریا گەیشتە شاری هەولێر و لەگەڵ مەسرور بارزانی، سەرۆکی ئەنجومەنی وەزیرانی هەرێمی کوردستان لە کۆبونەوەدایە.

پێشنیوەڕۆی ئەمڕۆ جەیمس جێفری، نێردەی تایبەتی ئەمریکا بۆ سوریا گەیشتە هەولێری پایتەخت و لە ئێستاشدا لەگەڵ شاندێکی باڵای هەرێمی کوردستان بەسەرۆکایەتی مەسرور بارزانی لە کۆبونەوەدایە، لەبارەی پرسی تیرۆر و پەیوەندیەکانی هەرێمی کوردستان و ئەمریکا گفتوگۆ دەکەن.
پێنجی ئەم مانگە، جێفری سەردانی کۆشکی سەلام-ی کرد لە بەغدای پایتەخت و لەگەڵ سەرۆک کۆماری عێراق کۆبوەوە

 

پێنجی ئەم مانگە، جەیمس جێفری، نێردەی تایبەتی ئەمریکا بۆ سوریا سەردانی کۆشکی سەلام-ی کرد لە بەغدای پایتەخت و لەگەڵ د. بەرھەم ساڵح، سەرۆک کۆماری عێراق کۆبوەوە.
سەرۆک بەرهەم و جێفری باسیان لە پشتیوانی نێودەوڵەتی بۆ سەقامگیری و ئاسایشی عێراق و جێبەجێکردنی چاکسازییەکان کردوە

 

بەگوێرەی راگەیەندراوی کۆبونەوەکە، سەرۆک بەرهەم و نێردەی تایبەتی ئەمریکا بۆ سوریا باسیان لە پشتیوانی نێودەوڵەتی بۆ سەقامگیری و ئاسایشی عێراق و جێبەجێکردنی چاکسازییەکان کردوە.

ئاماژە بەوەشکراوە، جەخت لە گرنگی بەرەوپێشبردنی پەیوەندییە دو قۆڵییەکان و فراوانکردنی ئاسۆی ھاریکاری و ئاڵۆگۆڕی بازرگانی لە نێوان ھەردو وڵاتدا، بەجۆرێک کە خزمەت بە بەرژەوەندییە ھاوبەشەکان بکات.

لە راگەیەندراوەکەدا ئەوەش خراوەتەڕو، ھەروەھا گفتوگۆکراوە لە بارەی دوا پێشھاتە سیاسییەکانی سوریا و ناوچەکە و پێویستی بەرجەستەکردنی ئاشتی و سەقامگیری لە جیھاندا.


Copyright © 2016 Xendan.org all rights reserved

designed and developed by AVESTA GROUP