بەپەلە

لێبوردنی نێودەوڵەتی: چارەنوسی یەکێک چالاکوانانی خۆپیشاندانەکەی بەغدا نادیارە

- 12/7/2019 12:19:00 AM 1381 جار خوێندراوەتەوە

خه‌ندان-

ڕێكخراوی لێبوردنی نێودەوڵەتی رایگەیاند، زەید خەفاجی، یەکێک چالاکوانانی خۆپیشاندانەکانی بەغدا دوای ئەوەی بەیانی ئەمڕۆ لە بەردەم ماڵەکەیدا رفێندرا چارەنوسی نادیارە، داوای ئاشکراکردنی چارەنوسی زەید خەفاجیش لە حکومەتی عێراق دەکات.

ڕێكخراوی لێبوردنی نێودەوڵەتی لە راگەیەنراوێکدا باسی لەوەشکردوە، پۆلیسی بەغدا بە خێزانی ئەو چالاکوانەیان راگەیاندوە ئاگاداری چارەنوسی یان شوێنی دەستگیرکردنی نین، بۆیە داوا لە حکومەتی ئێستای عێراق دەکەن چارەنوسی ئەو وێنەگرە ئاشکرا بکات.

زەید محەمەد خەفاجی، فۆتۆگرافەرێكی گەنجی دیاری بەغدایە و تەمەنی 22 ساڵە، ئه‌مڕۆ هەینی دوای ئەوەی زەید لە گۆڕەپانی تەحریر گەڕابوەوە بۆ ماڵەكەی،  ژمارەیەك چەكداری نەناسراو بە ئۆتۆمبێلێكی ڕەشەوە چونەتە سەر ماڵی ئەو گەنجە و رفاندویانە.

زیاتر لە هەشت هەفتەیە خۆپێشاندانی فراوان لە بەغدا و شارەكانی دیکەی باشوری عێراق بەڕێوەدەچێت، لەو ماوەیەدا زیاتر لە 430 کەس کوژراون و ژمارەیەکی زۆر زیاتریش برینداربون.

ئاماژە بەوەشكراوە، سزاكان بەهۆی پێشێلكردنی مافەكانی مرۆڤ و گەندەڵیەوەیە كە لەمیانی خۆپیشاندانەگانی عێراقدا ئەنجامدراون، كە بە گوێرەی راگەیندراوەكەی ئەمریكا "سێ لەو بەرپرسانەی سزایانداون پەیوەندیان بە ئێرانەوە هەیە".


Copyright © 2016 Xendan.org all rights reserved

designed and developed by AVESTA GROUP