لە دهۆک گەنجێک خۆی خنکاند

- 12/6/2019 11:58:00 AM 4503 جار خوێندراوەتەوە

خەندان- دڵشاد هیمۆ

پولیسی دهۆک رایگەیاند، شەوی رابردو گەنجێک لە گوندێکی دەوروبەری دهۆک لە رێگەی پەتێكەوە خۆی خنکاندوە.

هێمن سڵێمان وتەبێژی پولیسی دهۆک بە خەندان-ی راگەیاند،"کاتژمێر 9ی شەوی رابڕدو، لەگوندی (بێسرێ)ی سەربەناحیەی زاویتەی شاری دهۆک، گەنجێک بەناوی (میللەت مەناف)کە تەمەنی‌‌‌ 27ساڵە ، خۆی بە پەتێکەوە لە شوێنی گەوڕی مەڕد، هەڵواسیوە و گیانی لە دەستداوە."

لەبارەی هۆکاری روداوەکە ، پۆلیسی دهۆک رونی کردوەتەوە کە ئەم گەنجە نەخۆشی پەنجەشێری هەبوە و پێشتریش بەپێ  قسەی کەسوکار و دراوسێکانی ، چەندینجار هەوڵی کوتاییهێنان بەژیانی خۆی داوە.

ئاماژەشی کردوە، دوای روداوەکە، پۆلیس لە شوێنی روداوەکە تەرمی گەنجەکە گوازراوەتەوە بۆ پزیشکی داد لە دهۆک، دواتر رادەستی كەسوكارەكەی كراوەتەوە.


Copyright © 2016 Xendan.org all rights reserved

designed and developed by AVESTA GROUP