لەشاری کفری چوارەمین فێستیڤاڵی مەقامبێژی بەڕێوەچو

- 12/3/2019 10:06:00 PM 1185 جار خوێندراوەتەوە

خەندان- نیگار عومەر 

لە شاری کفری بەهاوکاری وەزارەتی ڕۆشنبیری هەرێمی کوردستان چوارەمین فێستیڤاڵی مەقام لەسەر ئاستی عێراق بەڕێوەچو، تێدا گروپەکانی مەقام چالاکیەکانی خۆیان پێشكەشکرد.

ئەشرەف ئەحمەد، ئەندامی دەستەی بەڕێوەبردنی فێسیڤاڵ و بەرپرسی ڕاگەیاندی ڤیسیڤاڵ، بەخەندان- ی ڕاگەیاند، "ئەمڕۆ لەسەر ئاستی عێراق چوارەمین فێستیڤاڵی مەقامبێژی لەشاری کفری ئەنجامدرا، لەنێو ئەم فێسیڤاڵەدا نۆ گروپی مەقامبێژ لەناوچە جیاوازەکانەوە هاتبون بۆ بەشداریکردن، وەک گروپی شارەکانی سلێمانی، هەولێر، کۆیە، بەغدا، موسڵ، هەورامان، گەرمیان، چالاکیەکانی ئەم فێستیڤاڵەش پێکهاتبو لە سێ سیمینار و گفتوگۆکردن لەسەر مەقامی کۆن و نوێ و پیشکەش کردنی چەن پارچە مەقامێکی جیاواز.

گروپی مەقام بێژانی گەرمیان بەیەک گروپ بەشداریانکرد و  بەشێک لە مەقامی ناوچەی گەرمیانیان لەنێو ئەم چالاکیانەدا پێشكەشكرد"

ئەوەشی ڕونکردەوە،"ئامانج لەم جۆرە فێستیڤاڵە ئەوەیە کە بتوانین مەقامی ڕەسەنی ناوچەکە بەزیندویی بهێڵینەوە و گرنگی زیاتر پێ بدرێت، ئەمەش بەشێکە لە کلتوری هەر ناوچەیەک ناکرێت پشتگوێ بخریت"

ئاماژەی بەوەشکرد،" بۆ سبەینێش فێستقاڵەكە بەردەوام دەبێت و کۆمەڵی چالاکی جۆراوجۆری تێیدا پێشكەشدەکرێت"



Copyright © 2016 Xendan.org all rights reserved

designed and developed by AVESTA GROUP