وەزارەتی بەرگری عێراق: پێنج موشەك ئاراستەی بنكەی سەربازی عەین ئەسەد كرا

- 12/3/2019 8:19:00 PM 1586 جار خوێندراوەتەوە

خەندان-

 

وەزارەتی بەرگری عێراق رایگەیاند، پێنج موشەك ئاراستەی بنكەیەكی سەربازی پارێزگای ئەنبار كراوە، كە هێزە ئەمریكیەكانی تێدا جێگیرە.

بەگوێرەی راگەیەندراوی میدیا ئەمنییەكانی عێراق، ئێوارەی ئەمڕۆ سێشەممە پێنج موشەك ئاراستەی بنكەی سەربازیی عەین ئەسەد كراوە لە پارێزگای ئەنبار، كە هێزەكانی ویلایەتە یەكگرتوەكانی ئەمریكا لەو بنكە سەربازییەدا نیشتەجێن.

لە راگەیەندراوەكەدا هاتوە "پێنج موشەك ئاراستەی ناو بنكە سەربازییەكەی عەین ئەسەد كراون، بەڵام لە ئەنجامدا زیانیان نەگەیاندوە".

سەبارەت بە جۆری موشەكەكان و زیانی ماددی، هیچ لایەنێكی فەرمی و پەیوەندیدار تا ئێستا زانیاریی تەواوی بڵاونەكردوەتەوە.



Copyright © 2016 Xendan.org all rights reserved

designed and developed by AVESTA GROUP