هەواڵگری ئێران: گروپێک دەستگیرکراون کە بەنیازبون لەناو زانکۆکانی تاراندا نائارامی دروستبکەن

- 12/3/2019 3:49:00 PM 1248 جار خوێندراوەتەوە

خەندان-

وەزارەتی هەواڵگری ئێران بڵاویکردەوە ژمارەیەک " گێرەشێوێن"-یان دەستگیرکردوە کە بەنیازبون لەناو زانکۆکانی تاراندا نائارامی دروستبکەن.
گروپێکی" گێرە شێوێن"-یان دەستگیرکردوە کە بەنیازبون لەناو زانکۆکانی تاراندا نائارامی دروستبکەن

بەپێی هەواڵێکی ئاژانسی رۆیتەرز، وەزارەتی هەواڵگری ئێران بڵاویکردۆتەوە کۆتایی هەفتەی رابردو گروپێکی" گێرە شێوێن"-یان دەستگیرکردوە کە بەنیازبون لەناو زانکۆکانی تاراندا نائارامی دروستبکەن."
ئەو گروپە ویستویان دەرفەت لەرۆژی 7-ی ئەم مانگە وەربگرن بۆ جێبەجێکردنی پلانەکەیان

بەگوێرەی راگەیەنراوەکەی وەزارەتی هەواڵگری ئێران، ئەو گروپە ویستویان دەرفەت لەرۆژی 7-ی ئەم مانگە وەربگرن بۆ جێبەجێکردنی پلانەکەیان، کە ساڵیادی رۆژی خوێندکارانی ئێرانە.

لەبارەی ئەو لایەنانەی کە پاڵپشتی ئەم گروپەیان کردوە، راگەیەنراوەکەی وەزارەتی هەواڵگری هیچ زانیارییەکی نەدرکاندوە، بەڵام ئاماژەی بەوەکردوە هەوڵەکەیان پەیوەندی بەخۆپیشاندانەکانی مانگی رابردوی ئەو وڵاتەوە هەیە.

لەبارەی چارەنوسی دەستگیرکراوانی خۆپیشاندانەکانی مانگی رابردوی ئێرانەوە، وەزارەتی هەواڵگری ئێران رایگەیاندوە 2 هەزار و 21 کەس ئازادکراون کە بەشداری خۆپیشاندانەکانیان کردوە.
 


Copyright © 2016 Xendan.org all rights reserved

designed and developed by AVESTA GROUP