خەندان ناو و تەمەنی قوربانیانی تۆپبارانەكەی سوپای توركیا بۆ سەر تەلرەفعەت بڵاودەكاتەوە

- 12/2/2019 9:42:00 PM 6299 جار خوێندراوەتەوە

خەندان-

پاشنیوەڕۆی ئەمڕۆ لە شارۆچكەی تەلرەفعەت لە رۆژئاڤای كوردستان بەهۆی تۆپبارانی سوپای توركیاوە 8 منداڵ و دو هاوڵاتی دیكە كوژران و 10ی دیكەش برینداربون.

بەگوێرەی ئاژانسی هاوارنیوز ئەو كەسانەی ئەمڕۆ لە تۆپبارانەكەی سوپای توركیا بۆ سەر شارۆچكەی تەلرەفعەت لە رۆژئاڤای كوردستان كوژراون هەشتیان منداڵن بە ناوەكانی(

حەمودە محەمەد عەلی 11 ساڵ، مستەفا محەمەد مەجید 10 ساڵ، محەمەد عومەر حمەی 7ساڵ، عارف محەمەد 6 ساڵ، عیماد ئەحمەد 9 ساڵ، عەبدولفەتاح عەلیكۆ 3ساڵ، سەمیرە عەبدولرەحمان 12ساڵ، محەمەد عەبدولرەحمان 15ساڵ) هەروەها هەردو هاوڵاتی (حسێن عەبدوڵا لەدایكبوی 1945 و عەلی مەحمود لەدایكبوی 1965 ) لەو بۆردومانەدا كوژراون.

هەر لەو بۆردومانەدا 10 كەس برینداربون بە ناوەكانی (ئەنیسە كلو 20 ساڵ، عەبدوڵا تۆفیق 20ساڵ) لەو ژمارەیەش 8 یان منداڵ بون كە ناویان( حەنیف محەمەد 9 ساڵ، دژوار 3 ساڵ، محەمەد كیفۆ 10 ساڵ، خەلیل محەمەد 3ساڵ، حەسەن عومەر 10ساڵ، ئیلیاس حسون 6 ساڵ، ئەدهەم 6 ساڵ، بەیرم حسێن 10 ساڵ)

شارۆچكه‌ی ته‌ل ره‌فعه‌ت ده‌كه‌وێته‌ دوری نزیكه‌ی 25 كیلۆمه‌تر له‌ رۆژهه‌ڵاتی شاری عه‌فرین و له‌ ساڵی 2016ـه‌وه‌ له‌ كۆنترۆڵی هێزه‌كانی یه‌په‌گه‌دایه‌. دوای داگیركردنی عه‌فرینیش له‌لایه‌ن سوپای توركیاوه‌، زیاتر له‌ 200 هه‌زار هاوڵاتی عه‌فرین په‌نایان بۆ ته‌لره‌فعه‌ت و ده‌وروبه‌ری بردوه‌.
 


Copyright © 2016 Xendan.org all rights reserved

designed and developed by AVESTA GROUP