بەپەلە

تەقینەوەی بۆمبێک لەنزیک کۆبانێ برینداربونی سێ ئەفسەری روسی لێکەوتەوە

- 12/2/2019 7:50:00 PM 1643 جار خوێندراوەتەوە

خەندان-

لەکاتی دەرچونێکی ئاسایی هێزەکانی روسیا لەنزیک سنورەکانی تورکیا، بۆمبێکی چێنراو بەقافڵەی هێزەکانی روسیادا تەقییەوە و بەهۆیەوە سێ ئەفسەر برینداربون.

بەپێی هەواڵێکی ئاژانسی رۆیتەرز، ئەمڕۆ دوشەممە لەمیانەی گەڕان و پشکنینێکی ئاسایی لەباکوری سوریا نزیک سنورەکانی تورکیا، بۆمبێکی چێنراو بەهێزەکانی روسیادا تەقییەوەو بەهۆیەوە سێ ئەفسەری ئەو سوپایە برینداربون.
 برینی ئەفسەرەکان سەخت نیە

بەگوێرەی زانیارییەکان، بۆمبەکە لەنزیک کۆبانێ تەقیوەتەوە و سەرچاوەیەکیش لەوەزارەتی بەرگری روسیا رایگەیاندوە برینی ئەفسەرەکان سەخت نیە.

لەمانگی ئۆکتۆبەری رابردو، هەریەک لەروسیا و تورکیا رێککەوتنێکیان بۆ دورخستنەوەی هێزە کوردییەکان لەسەر سنوری تورکیا واژۆکرد و پاش ئەو رێککەوتنەش، هەریەک لەهێزەکانی ئەو دو وڵاتە ناوبەناو دەورییەی هاوبەش لەسەر سنورەکانی تورکیا و سوریا ئەنجامدەدەن.


Copyright © 2016 Xendan.org all rights reserved

designed and developed by AVESTA GROUP