تورکیا بەم نزیکانە سیستەمی دیکەی بەرگری موشەکی لەجۆری S-400 لەروسیا دەکڕێت

- 12/2/2019 4:08:00 PM 1494 جار خوێندراوەتەوە

خەندان -           

دەزگاکانی راگەیاندنی روسیا لەزاری بەرپرسێکی باڵای توریکاوە بڵایانکردەوە، وادەی کڕینی سیستەمی بەرگری موشەکی دیکە لەجۆری S-400 زۆر نزیکە، تەنها چەند هەنگاوێکی هونەری ماوە بۆ تەواوکردنی.

ئەلكسەندەر ميگيف، سەرۆکی کۆمپانیای  رۆبنسۆن ئێکسبۆرتی بەرهەمهێنەری چەکی سەر بە حکومەتی روسیا  لەمانگی رابردودا رایگەیاند"مۆسکۆ هیواخوازە لەنیوەی یەکەمی ساڵی داهاتو (2020)-دا بگات بە رێککەوتن لەگەڵ تورکیادا بۆ فڕۆشتنی سیستەمی بەرگری زیاتری موشەکی S-400ی روسی.
رێککەوتی دیکە بۆ کڕینی سیستەمی S-400ی روسی نزیکە، تەنها چەند هەنگاوێکی هونەری ماوە

لەو بارەیەوە بەرپرسێکی باڵای کاروباری ئەمنی و دەرەوەی تورکیاش کە نەیویستبو ناوی خۆی ئاشکرا بکات رایگەیاد، رێککەوتی دیکە بۆ کڕینی سیستەمی S-400ی روسی نزیکە، تەنها چەند هەنگاوێکی هونەری ماوە کە بەم نزیکانە ئەوەش کۆتایی پێدێت.

ئەم هەنگاوەی تورکیا لەوانەیە هۆکارێک بێت لە زیادکردنی ناکۆکیەکانی نێوان ویلایەتە یەکگرتوەکانی ئەمریکا، کە لەئێستادا بەهۆی کرینی سیستەمی S-400ی روسی لەلایەن تورکیا ویلایەتە یەکگرتوەکانی ئەمریکا بەشداری تورکیای لەبەرنامەی بەرهەمهێنانی فڕۆکەی جەنگی F-35 هەڵپەساندوە.

تورکیا پێشتر یەکێک بوە لەو وڵاتانەی هاوبەشی لەبەرهەمهێناندا کردبو.


Copyright © 2016 Xendan.org all rights reserved

designed and developed by AVESTA GROUP