وێنە و ڤیدیۆ..برازایەكی ئوسامە بنلادن لە یەكێك لە یانەكانی لەندەن گۆرانی دەچڕێت

- 11/29/2019 3:30:00 PM 37127 جار خوێندراوەتەوە

خەندان-

یەكێك لە برازاكانی ئوسامە بن لادن، سەرۆكی پێشوتری رێكخراوی چەكداری ئەلقاعیدە، لە یەكێك لە یانەكانی پایتەختی بریتانیا گۆرانی دەچڕێت.

رۆژنامەی دەیلی مەیل-ی بریتانی، لە پێگەی فەرمی خۆی وێنە و ڤیدیۆی یەكێك لە كچە برازاكانی ئوسامە بنلادن، سەرۆكی پێشوی رێكخراوی چەكداری ئەلقاعیدە-ی بڵاوكردەوە، كە لە یەكێك لە یانەكانی شاری لەندەن و هاوڕێ لەگەڵ سێ گۆرانیبێژی دیكە لەگەڵ گیتارەكەی دەستیدا گۆرانی دەڵێن.

وەفا دوفۆر-ی تەمەن 44 ساڵ، كچی یەسلەم-ی برای ئوسامە بنلادن، سەرۆكی كوژراوی ئەلقاعیدە و هاوچینی پێشوی "كارمین"ە، هەفتەی رابردو لە یانەی پێكهام لە شاری لەندەن بە گیتارەكەیەوە گۆرانی وتوە، چاوی كامێرای راگەیاندنەكانیش ئەو دیمەنەیان تۆماركردوە.

 

 

دوفۆر كە نازناوی خێزانەكەی دایكی هەلگرتوە، لە كەنەدا لەدایكبوە و پاشان بۆ خویندن چوەتە جەنەوا، دواتریش بۆ خوێندن لە كۆلێژی یاسا چوەتە زانكۆی كۆلۆمبیا لە نیویۆرك و لەوێ ژیانی بەسەربردوە تا روداوەكانی 11ی سێپتەمبەر، پێشتریش كاری نمایشی جلوبەرگی كردوە، لە ماوەیەكدا پەیوەندی هەبوە لەگەڵ جۆن لیجێند، كە گۆرانیبێژ و هۆنراوەنوسێكی ئەمریكیە.

دایكی دوفۆر پێش لەدایكبونی كچەكەی لە سعودیە رایكردوە بە مەبەستی پەروەردەكردنی كچەكەی لە دەرەوە و دور لە سعودیە، وەفا-ش هیچ كاتێكیش ئامادە نیە باس لە پەیوەندیە خزمایەتیەكانی بكات لەگەڵ مامی، كە هەرگیز نەیبینیوە.



Copyright © 2016 Xendan.org all rights reserved

designed and developed by AVESTA GROUP