هۆكاری گریانی كیژانی كۆریا لەبەردەم "كیم جۆن ئون"دا

- 11/25/2019 10:28:00 PM 91255 جار خوێندراوەتەوە

خەندان-

لە وێنەیەكدا، دەیان كیژ بە بەرگ و پۆشاكی سەربازی چواردەوری سەرۆكی كۆریای باكوریان داوە، ئەو سەرۆكە بە رونی بزە و خەندەی سەر لێوەكانی دیارە لەكاتێكدا روخساری كچەكانی چواردەوری دەگرین، ئایا كیم دڵخۆشە بە فرمێسكی هاوڵاتیانی وڵاتەكەی یاخود هۆكارێك هەیە بۆ ئەو دیمەنە.

لە زۆرینەی ناوچەكانی جیهان، فرمێسك گریان بە شێوەیەكی گشتی بە واتای نیگەرانی و ترس دێت، بەڵام لە كۆریای باكور فرمێسك و گریان واتای دیكەی لە پشتەوەیە، كە بە مەبەستی پیرۆزكردن و رێزگرتن لە بنەماڵەی سەرۆك ئەو كارە ئەنجامدەدەن؟

لە ساڵی 1948ەوە، خێزانەكەی كیم جون ئون، سەرۆكی كۆریای باكور دەستیان بەسەر ماڵی پیرۆز-ی كۆریای باكوردا گرتوە، كە خەڵكی ئەو ناوچەیە بڕوایان وایە كیم جۆن ئول، باوكی سەرۆكی ئێستای كۆریای باكور لە شاخی پیرۆز-ی بایكتۆ لەدایكبوە لە دورگەی كۆریا، ئەوەش سەرەڕای رەتكردنەوەی ئەو زانیاریە بە چەندین بەڵگە، جەختیش لەسەر ئەوە كراوەتەوە جۆن ئول لە یەكێتی سۆڤێت لەدایكبوە.

 

 

 لەكاتی بەڕێكردنی تەرمی سەرۆكی پێشویاندا، ژمارەیەكی زۆر لە ژنان و پیاوان و منداڵان بەدیدەكران، كە لەبەردەم كامێراكاندادەگریان، پاشانیش لەكاتێكدا زنجیرە ئۆتۆمبێلەكانی جۆن ئون پەیدابو پاش بونی بە سەرۆكی وڵات، هەمان دیمەن لە تیمی ژنانی سوپای كۆریای باكور بەدیدەكرا.

ئایفۆن شوڵز زیندا، مامۆستای زمانی كۆری لە زانكۆی هامبورگ  لەمیانی لێدوانێكیدا بۆ پێگەی بزنس ئینسایدەر رایگەیاندوە "بە شێوەیەكی لە رادەبەدەر و زیادەڕەویكردن ئەنجامدەدرێت كە هەندێكجار خێزانی دەسەڵاتداری وڵات هاوشێوەی خوداكان مامەڵەیان لەگەڵدەكرێت.

هاوكات پارك جونگ شول، توێژەرەوە لە پەیمانگەی سیئۆل سەبارەت بەو بابەتە گومانی لە راستگۆیی ئەو فرمێسكانەی هەندێك لە كۆرییەكان هەیە، لەمیانی لێدوانێكیدا بە رۆژنامەی نیویۆرك تایمز-ی ئەمریكی تایبەت بە دیمەنەكانی بەخاكسپاردنی كیم جۆن ئیل رایگەیاندوە "نیگەرانیەكە راست بو بە شێوەیەكی زۆر، چونكە لەبارەی داهاتوی وڵاتەوە گومانەكان تێكەڵاوبون، لە بەرامبەریشدا "هەندێك لە كۆرییەكان دەگرین لەبەرئەوەی دەبێت ئەو كارە بكەن، یاخود وا هەستدەكەن چوادێریان لەسەرە"،

بە گوێرەی كۆكراوەی زانیارییەكان لەسەر گریانی كۆرییەكانی كۆریای باكور لەكاتێكدا سەرۆكی وڵاتەكەیان لەبەردەمیاندایە، زۆینەی بۆچونەكان دەڵێن كەلتورێكە بۆ پیرۆزكردنی سەرۆك و پیشاندانی رێز و خۆشەویستی بۆی، بەگوێرەی هەندێك لە توێژەرەوانیش بەشێك لەو كۆریانە بە ناچاری و هەستكردن بە ترس ئەو كارە ئەنجامدەدەن.



Copyright © 2016 Xendan.org all rights reserved

designed and developed by AVESTA GROUP