وێنە.. بەهۆی گیانلەدەستدانی دو كۆرپەكەی لە ئۆتۆمبێلەكەیدا دایكێك دەستگیركرا

- 11/25/2019 7:50:00 PM 44938 جار خوێندراوەتەوە

خەندان-

لە ئوسترالیا، ئەفسەرانی پۆلیس دو كۆرپەی تەمەن یەك و دو ساڵانیان بە مردویی لەنێو ئۆتۆمبێلێكدا دۆزییەوە، لە ئێستاشدا دایكی هەردو كۆرپەكە بەو هۆیەوە دەستگیركراوە.

لە ناوچەی كوینزلاند-ی ئوسترالیا، دایكێك دو كۆرپە لەناو ئۆتۆمبێلەكەیدا بەجێدەهێڵێت و پاش تێپەڕبونی ماوەیەك هەردو كۆرپەكە لە لایەن ئەفسەرانی پۆلیسەوە بە مردویی دەدۆزرێنەوە، تا ئێستاش دیارنیە ئەو دو كۆرپەیە چەند لەناو ئۆتۆمبێلەكەدا ماونەتەوە.

بە گوێرەی پۆلیسی كوینزلاند، كیرری ئان-ی 27 ساڵ كە دایكی هەردو كۆپەكەیە بە بەرپرسیار و تۆمەتباری سەرەكی ئەو روداوە لە قەڵەمدەدرێت و روداوەكەش بە "كوشتن" پێناسەدەكرێت لەكاتێكدا "گرنگە نەدراوە بە ژیانی ئەو دو كۆرپەیە".

ئاماژە بەوەشكراوە، ئەو دو منداڵە بەهۆی بەرزی پلەی گەرمای ناو ئۆتۆمبێلەكەوە گیانیانلەدەستداوە، لەكاتێكدا پلەی گەرمی ناو ئۆتۆمبێلەكە 31 پلەی سیلیزی بوە، لەكاتێكدا ئەفسەرانی پۆلیس گەیشتونەتە ناوچەكە هەوڵیانداوە بە فریاگوزرای سەرەتایی كۆرپەكان رزگاربكەن، بەڵام كار لەكار ترازاوە و گیانیانلەدەستداوە.

سەرەڕای تۆمەتباربونی بەو روداوە، پۆلیسی ئوسترالیا دەڵێت دۆسیەی بەكارهێنانی ماددەی هۆشبەری مەترسیدار بۆ دایكی كۆرپەكان كراوەتەوە.


Copyright © 2016 Xendan.org all rights reserved

designed and developed by AVESTA GROUP