"دەرگای كردوەتەوە بۆ هەركەسێك خوازیارە بچێتە گرێ سپی"
روانگەی سوری: توركیا پلانەكانی پاكتاوی نەژادی بەكرداری جێبەجێدەكات

- 11/22/2019 10:10:00 PM 3340 جار خوێندراوەتەوە

خەندان-

بەپێی چەندین بەڵگە، ئەنقەرە دەستیكردوە بەو پاكتاوە نەژادیەی ماوەی چەندین ساڵە لە پلانیدایە دەرهەق بە كوردانی رۆژئاڤا ئەنجامیبدات.

دەرگای كردوەتەوە بۆ هەركەسێك كە دەیەوێت بچێتە گرێ سپی و لەوێ نیشتەجێبێت

روانگەی سوری بۆ مافەكانی مرۆڤ رایگەیاند، لە ئێستادا بە كرداری حكومەتی سوریا پاكتاوی نەژادی دژ بە كوردانی رۆژئاڤا ئەنجامدەدات و دەرگای كردوەتەوە بۆ هەركەسێك كە دەیەوێت بچێتە گرێ سپی و لەوێ نیشتەجێبێت".

وای نیشاندەدەن ئەو كەسانە دەگەڕێنەوە زێدی خۆیان

بە گوێرەی راگەیەندراوەكەی روانگەی سوری بۆ مافەكانی مرۆڤ، "لە ئێستادا ئەنقەرە دەرگای كردوەتەوە بۆ نیشتەجێیانی جەرابلوس و ناوچەكانی دیكە، بە ماڵ و كەلوپەلەكانیانەوە و بەناو سنوری توركیادا دەگەیەننە گرێ سپی و وای نیشاندەدەن ئەو كەسانە دەگەڕێنەوە زێدی خۆیان".

ئاماژە بەوەشكراوە "ئەو پرۆسەی راگواستن و پاكتاوكردنە رۆژانە لە كاتژمێر 7ی بەیانی و 7ی ئێوارە لە لایەن ئۆتۆمبیلە تەرخانكراوەكانی سەر بە توركیاوە ئەنجامدەدرێت".

پاش هێرشەكانی ئەمدواییەی توركیا بۆ سەر ناوچەكانی رۆژئاڤا، چەندینجار مەزڵوم كۆبانێ، فەرماندەی گشتی هێزەكانی سوریای دیموكرات و مافپەروەر و چالاكوانەكانی ناوچەكە داوایان لە كۆمەڵگەی نێودەوڵەتی و وڵاتانی زلهێزكردوە رێگری لە توركیا بكەن پاكتاوی نەژادی لە ناوچەكەدا ئەنجامبدات، بەڵام تا ئێستا هیچ هەڵوێستێكی جددی لەوبارەیەوە نەبوە.



Copyright © 2016 Xendan.org all rights reserved

designed and developed by AVESTA GROUP