بەپەلە

ئێران راگەیەنراوەکەی یەکێتی ئەوروپا لەبارەی خۆپیشاندانەکان ئیدانە دەکات

- 11/22/2019 1:24:00 PM 1329 جار خوێندراوەتەوە

خەندان- 
وتەبێژی وەزارەتی دەرەوەی ئێران ئیدانەی راگەیەنراوەکەی ئەمدواییەی یەکێتی ئەوروپای کرد لەبارەی خۆپیشاندانەکانی ئەو وڵاتە و بەدەستێوەردانی کاروباری ناوخۆی لەقەڵەمدا.

بەپێی هەواڵێکی ئەلعەرەبییە، ئەمڕۆ هەینی عەباس موسەوی وتەبێژی وەزارەتی دەرەوەی ئێران سەرکۆنەی راگەیەنراوەکەی یەکیتی ئەوروپای لەبارەی خۆپیشاندانەکانی ئەمدواییەی وڵاتەکەی کردو رایگەیاند، " دەستێوەردانی ناوخۆیی ئەو وڵاتەیە."
پێویستە یەکێتی ئەوروپا لەبری ئەو راگەیەنراوە ئاگای لەکێشەکانی خۆی بێت

وتەبێژی وەزارەتی دەرەی ئێران راشیگەیاندوە، پێویستە یەکێتی ئەوروپا لەبری ئەو راگەیەنراوە ئاگای لەکێشەکانی خۆی بێت.

لەوبارەیەوە، موسەوی وتی، " ئامۆژگاری وڵاتانی ئەوروپا دەکەین، بەدوای چارەسەری کێشەکانی خۆیاندا بگەڕێن." 

ناوبراو، راگەیەنراوەکەی یەکێتی ئەوروپای بەرشتنی فرمێسکی تیمساحی بۆ " تاڵانچی و وێرانکەرەکانی موڵکی گشتی " وڵاتەکەی لەقەڵەمداوە.

رۆژی پێنجشەممەی رابردو یەکێتی ئەوروپا راگەیەنراوێکی لەبارەی خۆپیشاندانەکانی ئێران بڵاوکردەوە و داوای لەو وڵاتەکرد کۆتایی بەتوندوتیژییەکان دژی خۆپیشاندەران بهێنێت.


Copyright © 2016 Xendan.org all rights reserved

designed and developed by AVESTA GROUP