بەپەلە

دوکان؛ نزیکەی 100 مریشکی نەخۆش و مردارەوەبو بەشێوەیەكی نەشیاو فڕێدەدرێن

- 11/22/2019 11:23:00 AM 1902 جار خوێندراوەتەوە

خەندان-

قائیمقامییەتی قەزای دوکان رایگەیاند،"نزیکەی سەد مریشکی نەخۆش و مردارەوەبویان لەناوبردوە".

قائیمقامییەتی قەزای دوکان، نزیكەی 100 مریشكی پەلەوەرخانە كە زۆربەیان مردارەوەبو بون لە ناوچەی کانی سار لە نزیک قەزای دوکان فڕێدرابو، پاش ئاگادارکردنەوەی قائیمقامی قەزای دوکان، لیژنەی هاوبەشی قائیمقامییەت چوە شوێنەکە.
ئەو ژمارە مریشکەی فڕێدرابون هی پەلەوەرخانەكانی سنوری دوکان نەبوە

 

ئاماژەی بەوەشكرد، دواتر لیژنەی هاوبەش سەردانی پەلەوەرخانەكانی سنوری قەزای دوکانیان کرد. بۆیان رونبوەوە ئەو ژمارە مریشکەی فڕێدرابون هی پەلەوەرخانەكانی سنوری دوکان نەبوەو لە گەڵ تیمەکانی شارەوانی بەشێوەیەکی شیاو لەناوبراون.

بەبڕوای شارەزایان، فڕێدانی ئەم جۆرە لە ئاژەڵ و پەلەوەری مردارەوە بو، وێڕای بڵاوكردنەوەی فایرۆس و نەخۆشی، هەندێك جار دەشبێتە هۆی مردنی ئەو ئاژەڵە كێویانەی كە لەو ناوچانە دەژین و زیانی ژینگەیشی دەبێت.

 


Copyright © 2016 Xendan.org all rights reserved

designed and developed by AVESTA GROUP