بەپەلە

ترەمپ داوا دەکات لەگەڵ بایدن و کوڕەکەی دادگایی بکرێن و روبەروی یەکتر ببنەوە

- 11/22/2019 11:18:00 AM 2341 جار خوێندراوەتەوە

خەندان-

دۆناڵد ترەمپی سەرۆکی ئەمریکا رایگەیاند، ئەگەر پرۆسەی لێپێچینەوە و دورخستنەوەی بەردەوام بێت دەیەوێت دادگایکردنێکی تەواو و رون دەستپێبکات و روبەروی جۆبایدن و کوڕەکەی و هەواڵدەرەکەش بێت کەوتبوی ترەمپ دەسەڵاتی سەرۆکایەتی بۆ لەکەدارکردنی رکابەرەکەی بەکارهێناوە.

بەپێی هەواڵێکی سپوتنیک، هۆگان گیدلی وتەبێژی کۆشکی سپی رایگەیاندوە ترەمپ دەیەوێت دادگایکردنێکی تەواو  دەستپێبکات لەناو ئەنجومەنی پیران و بەئامادەبونی جۆبایدنی رکابەری و کوڕەکەی و هەواڵدەرەکە و هەمو شایەتحاڵەکان.
بەرپرسانی باڵای ئەنجومەنی پیران و پارتی کۆمارییەکان کۆکن لەسەر دادگایکردنێکی تەواو 

هاوکات، بەرپرسانی باڵای ئەنجومەنی پیران و پارتی کۆمارییەکان کۆکن لەسەر ئەوە کۆکن کە دادگایکردنێکی تەواو بۆ روبەروبونەوەی هەریەک لە ترەمپ و جۆبایدنی رکابەری و کوڕەکەی بەڕێوەبچێت، ئەگەر ئەنجومەنی نوێنەران بەردەوامبێت لەسەر پرۆسەی لێسەندنەوەی متمانە لەترەمپ.
ئەوان لەکۆشکی سپی باسی ئەو بابەتەیان کردوە، سەرۆک دەیەوێت ئەو بابەتە بەرونی بۆ ئەمریکییەکان رونبکرێتەوە

لەوبارەیەوە، وتەبێژی کۆشکی سپی رایگەیاندوە، ئەوان لەکۆشکی سپی باسی ئەو بابەتەیان کردوە، سەرۆک دەیەوێت ئەو بابەتە بەرونی بۆ ئەمریکییەکان رونبکرێتەوە، بەڵام پێشیوایە بابەتێکی نایاسایی و بێ بنەمایەو پێویست ناکات بەردەوام بێت، بەڵام ئەگەر ئەنجومەنی نوێنەران دەستبەرداری ئەو هەڵمەتە نەبن، ئەوا دەخوازێت لەگەڵ بایدن و کوڕەکەی و شایەتحاڵەکان و هەواڵدەرەکە پێکەوە لەهۆڵی دادگا کۆببنەوە و دادگایی بکرێن.

مانگی سێپتێمبەری رابردو دیموکراتەکان دەستیان بەلێکۆڵینەوە و لێسەندنەوەی متمانە لەدۆناڵد ترەمپی سەرۆکی ئەمریکا کرد پاش ئەوەی هەواڵدەرێک رایگەیاند ترەمپ دەسەڵاتی خراپ بەکارهێناوە و لەبەرامبەر پێدانەوەی یارمەتی دارایی ئەمریکا بۆ وڵاتەکەی داوایکردوە سەرۆکی ئۆکرانیا لێکۆڵینەوە لەجموجوڵە بازرگانییەکانی بایدن و کوڕەکەی بکات و گەندەڵییەکانیان ئاشکرابکات، بەوپێیەی جۆبایدنی جێگری پێشوی سەرۆکی ئەمریکا ئێستا رکابەری سەرەکی ترەمپە بۆ هەڵبژاردنەکانی 2020، دیموکراتەکان ئەم داوایەی ترەمپ لەسەرۆکی ئۆکرانیا خراپ بەکارهێنانی دەسەڵات دژی نەیارەکانی لەقەڵەمدەدەن.


Copyright © 2016 Xendan.org all rights reserved

designed and developed by AVESTA GROUP