بەپەلە

چین داوا لەئەمریکا دەکات دەستبەرداری جموجوڵەکانی ببێت لە دەریای چین

- 11/22/2019 10:47:00 AM 1239 جار خوێندراوەتەوە

خەندان-

حکومەتی چین داوا لەئەمریکا دەکات جموجوڵە سەربازییەکانی لەدەریا چین کۆتایپێبهێنێت.

بەپێی هەواڵێکی ئەلعەرەبییە، ئەمڕۆ هەینی حکومەتی چین داوایەکی فەرمی ئاراستەی ویلایەتە یەکگرتوەکانی ئەمریکا کرد بۆ دەستبەرداربونی " کردەوە بێزارکەرەکانی" لەدەریا چیندا.
لەماوەی چەند رۆژی رابردودا دو کەشتی جەنگی سەربەهێزی دەریاوانی ئەمریکا لەدورگەی جێناکۆکی چین نزیک بوەتەوە

لەماوەی چەند رۆژی رابردودا دو کەشتی جەنگی سەربەهێزی دەریاوانی ئەمریکا لەدورگەی جێناکۆکی چین نزیک بوەتەوە و حکومەتی پەکینیش ئەو هەنگاوە بەبێزارکەر ناودەبات.

لەوبارەیەوە، فەرماندەیی هێزی باشوری چین لە راگەیەنراوێکدا ئاماژیەی بەوەکردوە، هێزەکانیان شوێنپێی کەشتییە جەنگییەکانی ئەمریکایان لەنزیک دورگەی جێناکۆکی هەڵگرتوە، داواش لەواشنتن دەکەن نزیک نەبێتەوە و هەنگاوەکانی بەرەو دواوە هەڵگرێت.

لەئێستادا جەنگی بازرگانی لەنێوان ئەمریکا و چیندا هەیە، ئەو دو وڵاتە بەردەوام باجی گومرگی سەر کاڵاکانی یەکتری زیاددەکەن و روبەروی پلانی بازرگانی یەکتری دەبنەوە.

ئەمە لەکاتێکدایە، ئەمریکا کەشتی ئەبراهام لینکۆڵنی لەسنوری دەریاوانی ئێران نزیککردۆتەوە و هاوکات کەشتییەکی دیکەی فرۆکە هەڵگر نزیکی ناوچەی گەروی هورمز کردۆتەوە کە 80 فرۆکەی جەنگی پێشکەوتوی لەخۆگرتوە.

 



Copyright © 2016 Xendan.org all rights reserved

designed and developed by AVESTA GROUP