پەرلەمانتارێك بۆ ئەنجومەنى وەزیران و لیژنەى باڵاى چاکسازى: دەستبردن بۆ دەرماڵەى مامۆستایان هێڵی سورە

- 11/21/2019 9:54:00 PM 1976 جار خوێندراوەتەوە

خەندان-

دابان محەمەد، ئەندامی پەرلەمانی كوردستان لە فراكسیۆنی گۆڕان رایگەیاند،"دەستبردن بۆ دەرماڵەى مامۆستایان هێڵی سورە".

ئەو پەرلەمانتارەی گۆڕان لە فەیسبوكی خۆی نوسیویەتی،"با ئەم پەیامە وەک خۆى بگات. لەکاتێکدا فەرمانبەران و موچەخۆران بە قەیرانێکى قورسى داراییدا تێپەڕیون و لە ئێستاشدا پرسى چاکسازى حەتمیە، هەندێک لێدوان قەلەقى دروستکردوە، گرنگە ئەم پەیامە وەک خۆى بگاتە ئەنجومەنى وەزیران و لیژنەى باڵاى چاکسازى".

دابان محەمەد دەڵێت،"ئاساییە موچەى پلە باڵاکان و پەرلەمانتار کەمبکرێتەوە تا ئاستى فەرمانبەرێک، بەڵام دەستبردن بۆ دەرماڵەى مامۆستایان ڕەتکراوەیە و هێلى سورە".

ئاماژەی بەوەشكردوە،"ئاساییە خانەنشینى پلە باڵاکان و پەرلەمانتار وەک بەغدادى لێبکرێت و نەمێنێت، بەڵام مانەوەى خانەنیشینى بەمشێوەى ئێستا ئاسایى نیە و نابێت لە 400 هەزار دینار کەمتربێت".


Copyright © 2016 Xendan.org all rights reserved

designed and developed by AVESTA GROUP