بەپەلە

بافڵ تاڵەبانی: یەكێتیەك رابەرەكەی مام بوبێت بەدڵنیاییەوە ناكەوێت

- 11/21/2019 9:34:00 PM 1356 جار خوێندراوەتەوە

خەندان-

بافڵ تاڵەبانی، كوڕە گەورەی رابەری كۆچكردو مامجەلال، ئەمڕۆ كە رۆژی شەهیدانی یەكێتی بو لە پەیامێكدا  رایگەیاند، یەكێتیەك رابەرەكەی مام بوبێت بەدڵنیاییەوە ناكەوێت.

بافڵ تاڵەبانی، لە پەیامێكدا لەهەژماری تایبەتی خۆی لە تۆڕی كۆمەڵایەتی فەیسبوك نوسیویەتی،"يەکێتيیەک باڵاکەی بەخوێنی شەهيدەکانی بڵند بوبێت، ژيانی بە ئازارو خۆڕاگری زيندانيیەکانی بەردەم پەتی سێدارەو ورەی پۆڵاينی پێشمەرگەکانی بەڕێکردبێت، لەهەناوی خەڵکەوە لە دايک بوبێت و رابەرەکەشی مام بوبێت، بە دڵنياييەوە ناکەوێت".

كوڕە گەورەی مامجەلال نوسیویەتی،"یەكێتی هەميشە لە گەشانەوەو نوێبونەوەدا دەبێت".

ئاماژەی بەوەشكردوە، لەرۆژی شەھیدی یەکێتییدا، پەیمانی درێژەپێدان بە رێبازی خوێنی شەھیدان و تەواوکردنی بەرنامەکەی مامجەلال دوپاتدەکەینەوە. سڵاو لەڕۆحی پاکی شەھیدانی کوردستان. سەربەرزی بۆ کەسوکاری سەربەرزییان.


Copyright © 2016 Xendan.org all rights reserved

designed and developed by AVESTA GROUP