بەپەلە

بەغدا؛ لەخۆپیشاندانەكانی ئەمڕۆدا 7 كەس كوژراون و 78ی دیكە برینداربون

- 11/21/2019 8:20:00 PM 1315 جار خوێندراوەتەوە

خەندان-

لە خۆپیشاندانەكانی ئەمڕۆی بەغداد، 7 كەس كوژراون و 78ی دیكە برینداربون.

بەگوێرەی هەواڵێكی ئاژانسی رۆیتەرز، لە خۆپیشاندانەكانی ئەمڕۆی شاری بەغداد 7 كەس كوژراون و 78ی دیكەش برینداربون.

خۆپیشاندانەکانی عێراق لە 25ی ئۆکتۆبەری ئەمساڵەوە بەردەوامی هەیە، داوا دەکەن خزمەتگوزارییە تەندروستی و پەروەردەییەکان و پرۆژەی ئاوەدانکردنەوە زیاتر بکرێن، لەگەڵ ئەوەشدا داواکارن دەستەی نەزاهە لێپرسینەوە لە گەندەڵکاران بکات.

لە چوارچێوەی روبەڕوبونەوەی گەندەڵی دەستەی دەستپاکی عێراق فەرمانی دەستگیرکردن بۆ دەیان پەرلەمانتار، وەزیری پێشو، پارێزگاری ئێستا و پێشو، بەڕێوەبەری گشتی ئێستا وپێشوی عێراق دەرکردوە و زۆرینەشیان بە تۆمەتی گەندەڵی و خراپ بەکارهێنانی پۆستەکانیان دەستگیر دەکرێن. 

تا ئێستا بەڵێنەکانی حکومەت خۆپیشاندەرانیان رازینەکردوە و بەردەوامن لە خۆپیشاندان، بەپێی دواین زانیارییەکانیش زیاتر 235 کەس کوژران و زیاتر لە 15 هەزار کەسیش برینداربون.



Copyright © 2016 Xendan.org all rights reserved

designed and developed by AVESTA GROUP