بەپەلە

ئەڵمانیا هەڵوێستی خۆی لەسەر خۆپیشاندانەکانی ئێران راگەیاند

- 11/21/2019 8:12:00 PM 2880 جار خوێندراوەتەوە

خەندان-

حکومەتی ئەڵمانیا، هەڵوێستی خۆی لەسەر خۆپیشاندانەکانی ئێران بڵاوکردوە و رەخنە لە رێکاری هێزە ئەمنیەکانی تاران دەگرێت لەبەرامبەر خۆپیشاندەراندا.

 

حکومەتی بەرلین لە بەیاننامەیەکدا بە توندی ئیدانەی رێکاری هێزە ئەمنیەکانی ئێرانی کردوە لە بەرامبەر خۆپیشاندەرداند، کە بەگوێرەی راپۆرتەکان بەتەنها لە پارێزگای تاران 116 کەس کوژراون.

15ی ئەم مانگە، بەهۆی بڕیاری حکومەتی ئێران بۆ بەرزکردنەوەی نرخی بەنزین بۆ دو بەرامبەر (هەزار و 500 تمەن بۆ سێ هەزار 500 تمەن)، هاوڵاتیانی چەند شارێکی ئەو وڵاتە ناڕەزاییان دەربڕی و لە هەندێ شاریش روبەڕوبونەوە لەگەڵ پۆلسیدا رویدا.

هاوڵاتیانی ئێران دەڵێن، رێژەی گشتی داهاتەكانیان 200 دۆلار تێناپەڕێنێت و ناتوانن ئەو بڕە پارە زیادەیەی بەنزین دابین بكەن، ئەوەش لەپاڵ بەرزبونەوەی نرخەكانی خۆراك كە لە سەرەتای سەپاندنی سزاكانی ئەمریكا بەسەر وڵاتەكەدا دروستبوە و بەرزبونەوەی نرخەكانیش بەردەوامی هەیە.



Copyright © 2016 Xendan.org all rights reserved

designed and developed by AVESTA GROUP